[عازف الود]

اقتباس المشاركة الأصلية كتبت بواسطة الطلحي2000 أمانـه يانسايـم نجـد روحــي يـارسـول الخـيـر=وودّي لـي سـلام للحـجـاز ومــن سـكـن فيـهـا وخصّي بالسلام الصاحب اللي في صفاته غير=أمـيـر الـحـور كـــل الـحــور اولـهــا وتالـيـهـا أميـر العطـف والرقـه اميـر الطـيـب والتقـديـر=أمـور الـذوق لأهـل الـذوق ياخـذهـا ويعطيـهـا تغيـر النسمـه العذبـه منـه والـورد منـه يغـيـر=قضـب بيـده سيـوف الـزيـن لحـظـه مايخليـهـا حوى كل الأصالـه والفصاحـه وأجمـل التفكيـر=فـرس نقـوة سليـل أفــراس غالـيـة مشاريـهـا ودانـه مـن خليـج الخيـر ماعـن مثلهـا تخيـيـر=قصـر مـن دونهـا التجـار ماحـد جـاب طاريهـا وورده من ربا الطائف تمايل عنـد جـال غديـر=ومحـمـيـه مـــن الـمــرّار مايـلـمـس نوامـيـهـا وفلّـه مـن تهامـه عطـرت مـن حولهـا تعطـيـر=شـذاهـا يجـلـب المعـلـول لــو هـمــه يعانـيـهـا وعوده عطرها بخّر جميع اللـي حضـر تبخيـر=عجـز عنهـا جزيـل الشـعـر وصـفـه مايوفّيـهـا دخيلك يانسايم نجد شدّي وأسرعي في السيـر=دخيـلـك لاوجدتيـهـا بـشـوق ولـطـف ضميـهـا خذي منهـا العلـوم وودعيهـا بأحسـن التعبيـر=وخليـهـا تــروح الغالـيـه فــي حـفــظ والـيـهـا

وفيت وكفيت ولا هنت

صح لسانك مليوووون ولا يكفوووون

أجزلت العطاء وأبدعت في التصوير والتشبيه بدقة ٍ ونقاء

أبحرنا مع هذه النسائم في أجواء ٍ مفعمة بالشاعرية والرومانسية

بعطيك ألف عافيه شاعرنا الموهوب أخي الكريم

الطلحي 2000

قصيدة جزلة من شاعر ٍ جزل لا عدمناك ولا حرمنا الله هذا الجمال من العطاء

ننتظر جديدك بشوق ٍ عارم ٍ فلا تحرمنا وتقبل تواجدي المتواضع هنا وذروة إعجابي برائعتك

لك التحية وجل التقدير .