ملهمــي اعـذب معـاني الحـب في سحــر البيـان
فيـك يـاطـلق المحيـا كـل حـرف .. استمتعــــــه
جـيت لك قلـب يـدور في دفـا صـدرك مـــكــــان
وانت في وسـط الضـلوع العـوج بيـدك تزرعـه
تـزرعـه حـب وتضمـه عطـف وتسقيـه الحنـان
يـرتوي من نهـر صـافي نبض قلبـك منبعــــــه
لاجـل عينـك .. تفتـديك العـين .. اطـلق العنـان
لاجمـل احسـاسٍ وارق .. شعــور قلبي يتبعـــه
أيـه أحبـك لـو ســكبت سـنين عمري في زمـان
جـنب عمـرك عمـر ثــاني لك تعيشينـه معـــــه
ادري .. العمــر واحـــد في زمـــــاني لـه اوان
ولــو عطيتـك كـل عمـري مـاعطيتك من سعه
مـا وفيتـك قــدر لحظـة عشـق فينـي استـــكان
وكـل لحظـة حـب تسـوى عمـر كامل باجمعـه