مساء الخير لعنوني انا
ومساء كل شي جميل بالحياه لكم^_^
كل مره بحكي سالفة الساعه وانسى او انشغل
فبحكيها الحين
هذا الله يسلمكم<< برآآ وش احس به
قبل فتره كنت بمجلس لأهلي يعني اغلب القريبين مني فيه
من عمات وبنات عمات ومن ومن المهم عائلتنا الله يحفظهم
وفي المجلس وصلتني هديه وهالهديه عباره عن علبه تلفت النظر
وكلن يقول اخس الله من قدك وش هذي وافتحيه ومادري وشو
وانا عااد كني مصريه اقول مو فاتحتها الى قدام امي وأبوي
طبعاً الهديه وصلتني عن طريق ابوي من شخص يعني مهديني هالهديه
والكل انظاره على هالصندوق وهالعلبه
وبحضور الجميع بديت افتح التغليف
ولما فتحتها كانت
ساعه .. والساعه حلووه ماره
وفيه كم شخصه الي قالت بشتريها منك
والي قالت يالله بكم تبيعينها
وال خذتها تقووسها
والي تقول من قدك ناس تتمنى وناس تتهنى^_^
وانا عاد رفضت قلت خير موب بايعتها ذي هديه
وانا ماحب افرط بالهدايا وخصوصاً انو من طرف
الوالد وانوو عاجبتني << لأني انا من عشاق الساعات
والعطورات بعد
المهم
بعد يومين فقدت الساعه 
دورت ودورت ومالقيتها وانا متأكده من مكانها
بس مالقيتها
ومالقيتها الى عقب اسبوع وبنفس المكان << خفت منها ^_^
المهم عدى الموقف وراح عقب فتره لبستها
وكان بمناسبه كبيره وفجاءه طاحت من ايدي
وشلون وكيف مافي اي شي كان يوضح ان
السير انفك المهم انفكت من الجه الي تحت
يعني لم مكان الاحجار فأخذها الوالد وودها
للواكاله حقتها مادري الضمان وصلحها
ورجعت لي ولمن لبستها صارت يوم توقف يوم تشتغل
يوم تخرف ومره نفس الشي بالجامعه انفكت وبغت تنكسر
وقبل كم يوم امنت بالحقيقه بشيء اسمه عين
يعني قبل اغلب الناس يقولون عين والناس معاد ترحم
بس تحسد ومو شرط بالساعه اشياء كثيره تصير غير
المهم وش صار جالسه البس الساعه
وبكل هدوء ونعومه وبنزل عندنا ضيوف تحت مهمين*_^
الى الساعه تفككت قطعه قطعه
كرهت هالساعه فقالت مرة اخوي هاتي وبقرى عليها
هذي الساعه مافيها الا عين وخذتها تقرى عليها وانا ميته ضحك
بس لحظه الحين من جد الناس حتى لو اظفرك طويل يحسدوون عليه
لو منديل لو وشوو خير من جد الناس صارت تقهر وشو هذا
وبس هذي سالفة الساعه
عاد ادري طولت هالمره عليكم وحكيت
بس
بعد بيتي وكيفي ^_^
مـ الشوق ـلاك