اخواني هذة عبارة عن مجاراة لقصيدة جائتني على الجوال ولم اعرف قائلها ولكن فيها ابداع واضح وذلك ان كل كلمة فيها يوجد بها حرف الشين فأحببت ان اجاريها وزنا وقافية وذلك اكراما لمن ابدع في كتابتها
الشعر يالشاعر شعورن وشفاف=شب الشبوبه وإشتعل فيه جاشه
وأنشيت شعري بالمشاعر بمشراف=شامخ مشيد مايشوبه هشاشه
يشبب الشايب ويشعفبه إشعاف=طش الشماغ وشال بشته وطاشه
يشوش وشعوره يشابه لشطاف=يشطفه شطفه وإنتشا في فراشه
شعرن شريف وشاعره منشا الأشراف=شيخن يماشي شيوخ واللاش حاشه
شاعر ولايمشي بشمعه وكشاف=يشعل شهابه إشعال والشعر شاشه
يشرف على الشعار والشعر بشراف=يحشم المحشوم والعفش هاشه
وشرواك شهم وشامخ الشعر ينشاف=شوفة شروق الشمس ماشي ناشه
وهذة مجاراتي المتواضعة علها تنال استحسانكم
حي القصيد اللي تميَز بالاوصاف=يروي معينه للقلوب العطاشه
يحمل رسالة عز معنى واهداف=تطفي على السامع بروح البشاشه
فيها صفات الشعر والشعر ميقاف=ولا هان شاعر عززه في نقاشه
لامن حكى قاد القوافي بمجداف=ترسي معه لو كان دربه غباشه
من حكمته كل الفرايد له احلاف=يسوسها في درب مابه عفاشه
عفيف نفسن ما يحسَب للاسلاف=ولا يدور من قصيده إعاشه
المدح ما يوصل معه حد الانصاف=ولو وصل لابد فيه انكماشه
الكل يفخر به ويفخر به القاف=ويستاهل إانه صار للشعر باشه