مسا الخير مساك ايها الركن هادي رغم ضجيج كوني . : امس رحت مع احدي الاخوات مرافقه لصالون .. وكنت مرغمه توكلت علي الله وقلت هيا .. لكن دعيني انزع الستره حتي لا اكون كالدب الشتوي في العباءه .. منيب ناقصه دخلت السوق وانا اتوقع مافي زحمه .. كنت احلم وجدت العالم كلها بردانه وتشتري ملابس الشتاء .. اري كالعاده الشباب ترفع الجوال بيد وتغمز بعين اليسري . يعني < سرابيت والفتيات يازينهم الوحده الي مستتره لابسه الراس المخصره وبيدها شنطه مولود ماهي شطنه سوق والجوال باليد < يعني انا كشخه يحظهم مايشتكون من تصفير الشحن . اصعدالي الدور الثاني في المبني الا الغرفه مليانه اممم امم قلت لها نبي كذ1 وكذ1 قالت روحوا الدور الثالث للضروره احمل معي بخاخين فنتولين للطواري . وجدت الدور الثالث اكثر زحمه من الثاني كم يربجون الكوافيرات يتري < قلت لها كذ1 وكذ1 دهنت نفسي فازلين وانحشرت وسط القاعدات عالكرسي . في طفل يصيح فجر دماغي وامه ومادري اخته خالته عادي عندهم يتكلمون عن سوقهم وعادي انا اتنفس الصعداء ودي اقول (شب ) وجع انتي وياها اما سكتوه ولا طسو برا : واخز الي معي من بعيد وهي تخزني منقهره بله هذولي ويش يحسون فيه والبزر الي فاغر علينا وفجر طبله اذني ..: الي بط كبدي وحده مسويه انها الكل بالكل وتكفخ الي مايعجبها فتحت الجوال وقامت تلعب فيه وتسمع بزرهم الاغاني وفجاه سكت وقعد يرقص ولاطفت الغنيه كمل الجوله الفاغره ومعاد سكر وانا في مكاني اخز الي معايه وصلت حدي طلع بالاخير الي قاعدين يصبغون لها حواجب هي امه الله يدبل كبدها برودتها ياربي كيف تحمل قلبها كذ1 .. وخذته بكل بساطه كنها شغاله تشيل ولد معزبتها يعني ماحضنته ولا طبطبت عليه .. اويلي بس اقول بقلبي بدال منتوا ترسمون لكم حواجب اصطناعيه لاعاد تخلفون ورعان وتفغرونهم الله يقلع الصالون هذ1 بكره كثر مااحبه وشغلهم عدل ومزبوط .. : : بايوووو لارجعت اعلمكم بسالفه المصري الي يبي يلحس مخي