ليل ياليل .. يوم النـاس سمّـوك ليـل
هو عشان السهر وإلا عشان المنام ..؟
شف عيوني وشف وشلون جسمي نحيل
لعنبو هالغرام إن كان هـذا الغـرام ..!
آه ياقلبـي اللـي مابقـى فيـك حيـل
من كثر ماطواك الشوق ولـد الحـرام
قلت لـك لاتميـل إن طعتنـي لاتميـل
بس هذا أنت ملت وماسمعـت الكـلام
يـوم ذيـك الصبيـة أم ذاك الجديـل
جت تهادى وتمشي مثل مشي الحمـام
إنكسرت وقعـدت تحـط فـيّ وتشيـل
لين رحت وخذتني في طريـق الهيـام
قبل أسلم عليها كنـت عابـر سبيـل
وصرت ديرة غرام وعشق بعد السلام
كنت اقول : أي حب وأي خل ٍ وخليـل
الهـوى مـاوراه إلا التعـب والمـلام
لكن اليوم شفني ضعت وأكبـر دليـل
اني امشي واهذري( إبتسام .. إبتسام )