لي الله من غرابيلي وهجـدي
يليت الدمع يابو سعود يجـدي
لي الله يابري حالي ووجـدي
لي الله طفلـة بكـت عيونـي
لي الله شفتها في عرض صوره
وهزت عرش قلبي وش شعوره
وتنعي الميـت ودثـت قبـوره
وزادة ما بصدري من غبونـي
لي الله وآه من سود المصايـب
لي الله وآه يابيـض النصايـب
تهل الدمـع والمقبـور شايـب
لي الله والبشـر مايرحمونـي
يتيمة وش بعـد دمعـة يتيمـه
ولااحد كفهـا بنفـس رحيمـه
حرام ان عبرة احزاني مقيمـه
وش الدنيـاء تخبـي للمنونـي
حجاء بوها غدى رمس ونثيله
من الي يعوضها عطف برحيله
حنـان الاب مايوجـد مثيلـه
على من تشتكي بعد الحنونـي
الى من الزمـن كشـر بنابـه
وظلمهـا العـم والام بجنابـه
وتحوفهـا الثعالـب والذيابـه
تناهشها وتضرس باالسنونـي
طلبـت الله عـلام السريـره
يروف ويلطف بحال الصغيره
ويجبر كسرها وتصبح كبيـره
لي الله والبشـر مايرحمونـي