[ملكة الخواطر]

اقتباس المشاركة الأصلية كتبت بواسطة مستورالحارثي ياريشتي عبِّري والشعر ينساقي=خُطي لها ابيات موزونة قوافيها قولي لها اني أموت بْذوقها الراقي=واشتاق انا حيل تحضنّي اياديها والصد ما ردّني عنها ولاعاقي=مازلت وافي لها ماني بناسيها وان زارني طيفها آقف على ساقي=واتخيله شخصها وانسى واناديها وشْبك تغيرت يادنياي وافاقي=وانا على العهد ووعودي موفيها كانك عجولة تبين البعد وافراقي=وفي عهودا على نفسك قطعتيها وتْذكّري اني معك وافي بميثاقي=وان الخيانة حشا ماني بناويها هذا جزا يوم حبيتك من اعماقي=وانا احسب انك لجرحي طب يبريها حالي غدا مثل نبتة مالها ساقي=يبْست من الغبّ يوم ان غاب ساقيها كنتي من اول ضيا صبحي ومشراقي=والعين في غيبتك كن الرمد فيها الفكر في غيبتك محتار ما راقي=وش لون تحلا حياةٍ مانت لي فيها زادت عليّ الهموم وخاطري ضاقي=والنفس غيرك حشا ماحد يسليها شكواي لله خلاقك وخلاقي=عسى همومٍ على قلبي يجلّيها حاولت اسلّي خفوق بسّ ماطاقي=ونار هجرك ترى ماني بقاويها القلب مشتاق لك بالحيل مشتاقي=والدمعة اللي بعيني كيف اداريها وشلون بروى ضماكي وانتِ ترياقي=يبْست حنايا ضلوعي من يرويها ماني لغيرك من الزينات عَشّاقي=غيرك من البيض عيني ماتراعيها حبك جرى في شراييني ولا باقي=في الجسم مني خلية ما نبت فيها هذي رسالة تعبر لك عن اشواقي=أما احفظيها بقلبك واعتني فيها والّا احرقيها إذا يرضيك الاحراقي=كما حرقتي خفوق اللي مسويها رسالة الحب لك من قلب صداقي=تحمل عبير الوفا لك في معانيها ان كان لي في خفوقك عطف واشفاقي=نفسٍ تهيم بغرامك لا تعنيها خلي غصون المحبة تورق ايراقي= مادام روحي رهينة حبك اغليها مستور محمد الحارثي

	23 محطه 23 بستان 23 مره يقف النبض هنا لوحة من المشاعر الصادقة بعبق البداوة الرائع وروح الوفاء الخالصه تقدم مالم يقوى على مجاراته القلب هنا أقف إحتراما وإجلالا لما سكبه فكرك وطرزه قلبك ونسجته أناملك القلـب مشتـاق لــك بالحـيـل مشتـاقـي * *والدمعـة اللـي بعـــيـنـي كـيـف اداريـهـا وشلون بروى ضـماكي وانـتِ تــريـــاقـي * *يبْسـت حنايـا ضلـــــــوعـي مــن يرويـهـا مانـي لــغـيــرك مــن الزيـنـات عَشّـاقـي * *غيـرك مـن الــبــيـــض عينـي ماتراعيهـا حبـك جـرى فـي شــراييـنـي ولا بـاقـي * *فـي الجسـم منـي خليـة مـا نبـت فيهـا مهما تكلمت يسكت الكلام عند صدق بوحك وإبداعك لك أجمل التحيات وأطيب الامنيات