البيت مايسوى حياتي بدونكـ .. البيت ظلما كل ما اشب نوره
من وين ماطالع الاحظ عيونكـ .. علقت لك في داخل القلب صوره
اموت و اعـرف بس انت شلونكـ .. ياللي وجودك في حياتي ضروره
لي وقت ماشميت ريحة دخونك .. احس كن العام زادت شهوره
الذاكــره ياصاحبـــــي لاتخونكـ .. انسان منكـ فيكـ ناطركـ زوره
ياجعل ماتبكي عيوني عيونك .. ياللي انا مستني لحظة حضوره
هونك على قلبي وراعيه هونك .. تراك دمرت بغيابك شعوره
حتى انا ماعاد اسوى بدونك .. صارت على ايام عمري خطوره