لاتحسب البعـد مهمـا طـال نسّانـي
بالسمع صوتك و بالعيـن ابتساماتـك
انسى بحور القصيـد و فـنّ الاوزانـي
و يردني بوحك اللي يكسـر سكاتـك
تكتب حروفك و انا بحروفـك اقرانـي
و احس ذاتي قريبه حيل مـن ذاتـك
حتى انّي اشعر بك انّك نصفـي الثانـي
و افرح لفرحك و اعاني من معاناتـك
تسكن بروحي و في قلبـي و وجدانـي
نبضك بقلبي و في صـدري تنهاتـك
لو تدري الحلم فعـلاً و يـن ودانـي
الحلم ماطاح مـن دونـك و لافاتـك
و لو تدري اني بحفـظ العهـد متفانـي
ماطال صمتك و لا طوّلـت غيباتـك
تعال.. ناظر عروق القلـب مـن دانـي
شف كيف تحفظ عروق القلب بصماتك
تعال.. شف كيف روحي بعـدك تعانـي
ياحلمـي اللـي تشتتنـي محاكاتـك
تعال.. يانصف روحي و قتـل احزانـي
و ابعث أمل نصفك الثانـي ببسماتـك