صباح الخير نمت نوومه عميقه
بس قبل لانام بغيت ابكي الا شووي من اخووي الكبير الدوب
تسلط علي الله لايسلط عدووه عليه<<< عجووووز
يوم اني دخلت بنام وتوني جالسه عالسرير وطفيت النور
اسمع صووته ملاك تعالي ابيك<< يقهر توني قايله لهم
برووح انام تبون شي قالو لا
قمت ورحت لمه سم امر وش تبي وانا ودي اجلده من العصبيه
اخوي<< طبعا اخوي الكبير هو متزوج مو عايش عندنا برى الرياض قال: لا بس ودي تسولفين معي
<< يقولها وهو يضحك يبي يقهرني دايم يحب يسوي فيني كذا
قلت والله انك نجس حرام عليك صاحيه بدري اليوم مانمت كله اذاكر وأكتب بحث
قال: اها خلاص خلاص رووحي نامي
رحت وانا اقووول : اوووووووووووووف اتوقع سمعوها الجيرن خخخخخخخ
دخلت الغرفه وخلاص استسلمت بنام
الى هو داخل علي
اناظره وانا خلاص
انت تستهبل ولا تستهبل ولا أكيد تستهبل
قال: لا ولا وحده منهم بس ابي اشتري النوم ودي انام مثلك من وين تشترينه
<<اسلووبه وهو يقولها ينرفز خلاص انا مقهوره
انا: ممكن تطلع وتطفي النور<< خربت الأخلاق
هو: وش فيك اكلمك جد ودي انام من وين تشترين النوم
انا خلاص جتني الصيحه هو ينبسط يشووفني ابكي ويضحك علي
انا: الحين ورآ ماتروح تهبل بزوجتك موب احسن لك ولي
هو: ابي انام طيب علميني من وين تشترين النوم وبرووح والله<< يقهر
جلست اناظره وقلت : خلاص اذا طلعت طف النور طيب
وبعدها نمت ومعاد دريت عنه
لقيت النور مطفى والاب تبعي ماخذه وجلس بالصاله
احسن شي بالحياه التطنيش
يمال الصلاح ياأوخيي
وش بعد امممم وحشتني بيتي
باخذ لفه عالمنتدى وأرجع