اخواني واخواتي اعضاء وزوار المنتدى
قصيدة كتبتها قبل فترة ابي رايكم فيها
سرى بي خفوقي بين جد الرجا والياس
000000000000 على الحد الاول جعل ماهو على التالي
سرى بي وسراني على هبة النسناس
000000000000 تفيض المشاعر يوم انا جالس لحالي
تهيض خفوقي واحرج الحبر والقرطاس
00000000000 تقول ان قلبي مايحب الورق خالي
تنحيت للذكرى بعيد (ن) عن الجلاس
000000000 لذيك الثواني العام يالخافق السالي
مثل هالثواني العام لي عندها مجلاس
0000000000 مواعد تواعد والوعد طيب الفالي
نحينا بذاك الوقت عن عين كل الناس
00000000000ولاعين ترقبنا سوى عينه الوالي
نحينا بليل زفرته زفرة الانفـــــــاس
00000000000 تظنون كل اللي حصل همس ووصالي ؟؟
حشى الا دموع وحزن وهموم ماتنقاس
00000000000 مواعد فراق وحمل ماعاد ينشالي
الا ياخفوق الروح يالخافق الحساس
000000000000 حياتي بصدره بعدها كيف منزالي
احس النظر يقصر واحس الخطا تحتاس
0000000000 واحس الضلوع اعداي هي لاهب (ن) صالي
من العام كم شيب ظهر في غراب الراس
000000000000 وكم شكوة تكتم ولاهي بتنقــالي
عليتس الله اكبر ليلة تقرع الاجراس
00000000000ليال الاحد من بعدها دمع همالـــــــي
تـنحيت يانواف بالبن والمحماس
0000000000 اسامر نجوم الليل واجــــــــر موالي
وسط جرهدي البيد مادونه الحراس
00000000000 ولا حد (ن) يضايقني وينشد عن احوالي
اقررب له بذكرى ويدنيني الهوجاس
000000000000 بدنيا رماني بارضها حزن ترحالي
وباشرب وباشرب سمها ياعرب بالكاس
0000000000000 رضيت الوفاة بسمها بس ترضى لي
7
7
7
7
7
7
7
7
7
وسلامتكم