هلا باللي اليا شفته اسافر فـي سمـاه غيـوم
اتـوه بعالمـه واثمـل اذا بأسمـي يناديـنـي
تصدق لو تغيب الشمس أحسك لي بدايـة يـوم
أنـا فعـلآ تنفستـك احسـك فـي شرايينـي
عطيتك خافقي لعبـه تفضـل العـب بمظيـوم
لعب فيه الزمن قبلـك طـواه وقـام يطوينـي
من انصاف الحلول اني احبك وارسمك بحلـوم
تعال وخلهـا غربـه عناوينـك .. عناوينـي
على كيفك انا اطيعك معاك ابغا القـدر محتـوم
تقربنـي .. تبعدنـي .. تفضـل قيـد يدينـي
رومانسيه حياتي معك ابيها فـي لذيـذ النـوم
وابي طيفك يسهرنـي وابـي قربـك يدفينـي
دخيل عيونك الخرسا .. هي الحاكم وانا المحكوم
حكمنـي رمشهـا الظالـم ولا فكـرت تعفينـي
دخيلك يا خيوط الفجر..دخيلك يا سهر ونجـوم
انا روحي مثل موجـة بحـر والهـم طاوينـي
حروف الفكر والهمسه تجي لجلك بحر وغيـوم
واذا تبغـا نخليهـا بـلا عـقـل ومجانيـنـي
أنا وان غبت عن عيني تراي امشي مثل منجوم
اتـوه بخطوتـي هايـم ولأحـدٍ بـه يقدينـي
تعالي شوفي الخافق ضفافـه مجدبـه وسمـوم
تعالي يالفرات العـذب انـا عطشـى بساتينـي
تعال نصد عن زحمة بشر كلـه ألـم وهمـوم
نغنـي للقمـر غنـوه .. اناجيـك وتناجينـي
اللة عليك مبدع وقصيدة اكثر من رايعة
تمعنت القصيدة فوجتها تلامس الوجدان والاحساس
تحياتي لك
دمت بود