هلا باللي اليا شفته اسافر في سماه غيوم=اتوه بعالمه واثمل اذا بأسمي يناديني
تصدق لو تغيب الشمس أحسك لي بداية يوم=أنا فعلآ تنفستك احسك في شراييني
عطيتك خافقي لعبه تفضل العب بمظيوم=لعب فيه الزمن قبلك طواه وقام يطويني
من انصاف الحلول اني احبك وارسمك بحلوم=تعال وخلها غربه عناوينك .. عناويني
على كيفك انا اطيعك معاك ابغا القدر محتوم=تقربني .. تبعدني .. تفضل قيد يديني
رومانسيه حياتي معك ابيها في لذيذ النوم=ابي طيفك يسهرني وابي قربك يدفيني
دخيل عيونك الخرسا .. هي الحاكم وانا المحكوم=حكمني رمشها الظالم ولا فكرت تعفيني
دخيلك يا خيوط الفجر..دخيلك يا سهر ونجوم=انا روحي مثل موجة بحر والهم طاويني
حروف الفكر والهمسه تجي لجلك بحر وغيوم=واذا تبغا نخليها بلا عقل ومجانيني
أنا وان غبت عن عيني تراي امشي مثل منجوم=اتوه بخطوتي هايم ولأحدٍ به يقديني
تعالي شوفي الخافق ضفافه مجدبه وسموم=تعالي يالفرات العذب انا عطشى بساتيني
تعال نصد عن زحمة بشر كله ألم وهموم =نغني للقمر غنوه .. اناجيك وتناجيني