أذكرك ، وابلل بدمعي .. طريقي !
.................. وآخذ من الليل ( آه ) وما أنام !
وانده لـ تنهيدة المشتاق : فيــق !
.................. وتيبس أطرافي ولا يبقى حمام !
والغمام اللي أبيه يفكّ .. ريقي
.................. ينتظر مثلي بعد .. " جيّة غمام " !
هاجسك لاراوده همي وضيقي
.................. قولي إن الموت هو مسك الختام !
وإن غرقت هناك قول : ياغريقتي
.................. لايموت الحلم في قلبك .. حرآآم !
عزيزي ، والوصل هذا مو حقيقي !
.................. عزيزي ، والشعر هذا .. مو كلام !
أزفر عيونك ... يجاوبني شهيقي !
.................. وافتح عيوني و يلفحني .. ظلام !!
ومن سمعته قال للنسمات : ضيقي !
.................. فتّح عيوني و .. خلاني و .. نام !!