الهم عوٌد والمساء حل ديجور
والخل أبعد والجفا في كلامه ،،
والنفس ضاقت والحشا بات مقهور
والفكر دمه غارق في سهامه ،،
يا كيف أبشرح والهوى ماله شعور
ويا گيف أبوصف للحبييب مقامه ،،
أترقب حضوره أنا سنين وشهور
وأشتاقله شوق الهواوي لغرامه ،،
وهو يعاند بس والله معذور
طبعه حلو لو بس ينهي خصامه ،،
يالخل والله القلب ع الهم مجبور
ولا إنت تعرف وين قدرك مقامه ،،
لاني أناني لا و لاني بمغرور
وفي غيبتك خلك يجافي منامه ،،
تدري بقلبي طيب مابه قصور
وتدري بأنك كل فكري ونظامه ،،
لاني بمن يملك من العيشه قصور
ولاني بمن إسمه مسجل علامه ،،
ولاني بشيخ العلم ولاني بدكتور
أنا بسيط ورأس مالي الكرامه ،،