منتديات الـــود - عرض مشاركة واحدة

نــــونــــا · 11-11-2009, 02:15 PM

الجزء الاخير...........

كان البيت هادي .... ماكان فيه غير صوت الجوري .... وكلنا أنتظار لدخول هند .... او سعد اللي وحشني .... بشكل مستحيل احد يتخيله ..... فقدته كثير ...... صحيح كانت اسبوعين بس كأنها سنتين ..... كنت انا وعمتي ونورة جالسين في المجلس .... والعيال وعمي جالسين في الحوش ..... كان الصمت عندنا يالحريم سيد الموقف .... ماقطع هالصمت الا دخول هند المفاجئ والهادي بشكل غريب .... لاني اعرف هند هي بجهه والعقل والركاده بجهه ..... شفت جت بسرعه وانكبت في حضن عمتي تبكي ..... تقطع قلبي عليها .... ونزلت دمعتي .... لما تذكرت اني مستحيل ارجع اسوي مع امي نفس الشي ..... قمت عشان اسلم على هند .... رغم اني مشتاقة لها الا ان داخلي حزن كبير ..... اشتقت لامي .... واشتقت لأبوي ..... ابيهم .... سلمت عليها .... رغم ثقل جسمي ..... كانت تسألني عن احوالي .... وتقول انها مشتاقة لي .... كنت ارد عليها بس بشروود .... مدري وش جاني ..... جلسنا شوي ..... وتقهوت .... وقعدت تسولف لنا عن رحلتها ..... واضح من عيونها انها مبسوطة ..... ابتسمت في داخلي ..... الحمدلله ان فيه احد من اللي احبهم ..... مبسوط بحياته ..... صحيح نورة مبسوطة لكن مازال يؤرقها ...... سالفة ان زيد باقي يحب منيرة .... ويبيها ..... هو اسلوبه شوي دفش .... كثير يلمح لها عن هالسالفه ...... المفروض ..... يحاول ينسيها ..... يخليها تثق فيه لآخر حد .... موب يزرع الخوف في قلبها .... يالله الله يهدي سرهم يارب ..... مع اني متأكدة مليون بالمية ان نورة غالية عند زيد .... هذا إذا ماكان يعشقها حد الموت ..... قطعت سرحاني هند لما قالت :بنات سعد دق علي يقول يبي يسلم عليكم ...... قطعتها نورة وهي تقول:بدينا بالحركات .... مايعرف جوالات خواته يعني ..... يوم يدق عليس ..... قطعت كلام نورة هند اللي تقطعت من الضحك وهي تقول:بدينا .... توني مابعد جالي شهر ..... لحقتي تشغلين علي حركات الحموات ....
نورة وهي تبتسم :بس وش رايس فيني ....؟؟؟؟؟؟؟ امانة مايصلح الدور علي ..... قسم بالله اني تحفه وانه يضبط ....
هند وهي تناظرني بنظرة انا عارفة مغزاها:الا يصلح ..... وهي توجه لي نظرة كأنها تقول لي معس جلسة محترمة ...... انتظريها بس ..... قمت لما شفتها تناظرني وانا اقول نورة سعد جاء ...... وابتسمت إبتسامة من الأذن للأذن لما شفت سعد دخل علينا ..... رحت له بسرعه وضميته ..... وطلعت الكبت اللي في صدري على كتفه .... مدري وش فيني ..... بس ماانتبهت اني ابكي بقوة ..... الا لما شفت سعد جلّسني .... وقعد يمسح على راسي وهو يقول:بسم الله عليس مزون وش فيس ..... انا بخير شوفيني ..... كل ذا عشاني وحشتس ..... طيب شوفيني .... كان يحاول يرفع راسي ..... وانا عجزت احط عيني في عينه .... مدري ليه ..... لو تسألوني الحين ليه قلت لكم مدري ..... جاني شي جبرني ابكي لما شفته ....... يمكن خفت مااشوفه ..... او .... مدري مدري ...... شفته تركني لما شاف نورة اقبلت عليه .... وسلم عليها ولما جات تحب راسه رفع راسه هو وحب راسها ..... لبى قلبه .... طول عمره حنون ..... احس بالفخر دامه اخوي ..... جاني بعد ماسلم عالجوري ..... وسأل نورة عن اخبارها عالسريع .... وهو يقول لي : وش فيها دلوعتنا ...... من اللي مكدر خاطرس ..... لما قال هالكلام حسيت بحنانه ..... رجعت دموعي تنزل ورجعت اضمه بقوة ..... وبدوره هو حط يده ورى ظهري وهو يقول : هدي حبيبتي هدي ...... كل شي بيصير اوكي ..... بس انتي هدي .... بعد مافرغت شحنة الشوق والخوف في نفس الوقت ....... وبان على شكلي اني هديت ..... ماانتبهت الا لهند اللي جات وقالت ..... :بنت قومي ترى الحقوق محفوظة ..... ضحكت لها .... وانا ابعد عن سعد واقول : اشبعي به ..... اسبوعين معه مامليتي؟؟؟؟؟؟؟؟؟ فتحت عينها فيني وقالت:انتي لتس معه اربع وعشرين سنة مامليتي منه ..... تبيني يا أم اسبوعين امل ...؟؟؟!

اول ماشفت المجلس امتلى رياجيل ..... رجعت امشي عليهم بالقهوة وانا ااخطط للي في بالي ..... واول ماوصلت لسعد قلت له بصوت واطي:انا بروح اجيب المملك ضبط وضعي عند الجماعة ...... ضحكت على شكله لما فتح عيونه وقال:اليوم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قلت بحماس :ايه الله يعافيك ...... ماعاد وراي صبر ...... ابتسم لي سعد وقال: توكل على الله وانا بقول لعمي يضبط وضعك ..... تخبر انا جديد على هالشغلات مابعد صرت خبرة ..... نزلت القهوة وطلعت بسرعة من المجلس ...... ودقيت على المملك اللي كنت متفق معه من العصر .... وقايل له اني بجيبه بعد صلاة العشاء ...... وهذانا صلينا العشاء ورجعنا نتقهوى .....

قمت من محلي ورحت جلست جنب عمي ..... وانا اقول له:عم ترى محمد يبي يملك اليوم ..... وهذا هو طلع يجيب المملك ..... شفت عمي فتح عيونه دليل إستغراب .... ابتسمت له وهزيت راسي ..... وابتسم لي بحنان الأبو ...... قمت ورجعت محلي ..... ومامداني اقعد ..... الا وانا اسمع عمي يقول : هذي والله الساعة الطيبة اللي جمعتكم كلكم .... تشهدون معنا ملكة محمد ولدي على بنتي ..... ابتسمت في نفسي ...... وانا اسمع الرياجيل ..... كل واحد يبارك في جهه ........ واللي يقول مشاء الله .... واللي يدعي لهم بالتوفيق ..... قمت من محلي ..... وسحبت الدلة امشي بها على الرياجيل ....... عقب مالفيت دورة كاملة على المجلس ... طلعت برى اعلم هند بالجديد ..... عشان تمهد لمزنة ..... وكل شي يصير تمام ..... سمعت الجوال يرن .... بس محد يشيلة .... لين قطع ..... رجعت سويت إعادة إتصال ........ ورن رنتين ثم سمعت احلى الووو .............!!

كان جوالي يدق ..... وانا اصب للحريم ....... القهوة .... طلعت جوالي من شنطتي وشفت ..... "حبيبي" يتصل بك ..... لأني غيرت الأسم من معذبي لحبيبي ..... وحنا راجعين من التمشية .... طلعت من المجلس ..... ولما وصلت الصاله انقطع الرنين ....... مشيت شوي ..... لقيته رجع يرن ..... على طول رديت وانا اقول:الووووووووو.................................. ........
سعد:احلى الووووووووو ....... وحشتينــــــــــــــــي ........ كان يقولها بحالمية .......
هند بخجل: مممممممممـ وانت اكثر ..... بعدين إذا صوتي حلو ..... اكيد اذنيك هم الحلوين .....
سعد: والله انتي الحلوة ....... هنودة ؟؟؟..............
هند:لبيــــــــــه.........
سعد:لبى قلبس ......... عندي شي بقوله لس ....... طيب...........
هند بنبرة إستفسار:قووووووووول .... فيه شي؟؟؟؟؟؟؟؟؟؟؟؟؟؟؟؟................................ .
سعد:ايه ......... محمد راح يجيب المملك ....... يبي يملك على مزنه ..... لا اوصيس مهدي لها الموضوع .......عشان لاجاء يسألها الشيخ ماترتبك .......
هند بفرح: الله ونااااااااااااااااسة ......... واخيراً ........ من عيوني ياقلبي ..... انا ماامهد الموضوع بس ....... انا امهد ابووووووووووووووه ..........وضحكت
سعد بحب:كفو والله ......... يالله حبيبتي ..... لازم ارجع المجلس ..... تعرفين يفقدوني ....!!!
هند وهي تميلح: حتى انا حبيبي فقدوني الحريم...........................
سعد وهو يضحك:اكيد فقدوس محد يهذر على روسهم غيرس .................... مع السلامة حبيبتي ....
هند وهي معصبه:هين اوريك ياقلبي ....... مع السلامة ........................................

احس اني على نار ....... لين وصلت ودخلت بالمملك ..... المجلس ........ سلم على الرياجيل وجلس ..... حاولت فيه يتقهوى .... بس رفض يقول مستعجل ......... تمت مراسم الملكة على خير وبقى توقيع مزنه ..... وشروطها لو عندها شروط ....... خذيت الكتاب ........ انا ووجهي ناوي اوديه لها ..... بس شافني سعد وعطاني نظره يحبها قلبكم ..... وخذا الكتاب من يدي ..... وطلع داخل لقسم الحريم ......... ورجعت انا بخيبتي .... وجلست بمحلي ..... ارد على العرب اللي يباركون لي ........ .................................................. ...........................

من قالت لي هند وانا مرتاعه ....... الحين عرفت سبب الخوف اللي حسيته ....... كذا يامحمد .... تحطني قدام الأمر الواقع ..... صحيح احلى واقع ........ بس والله تفاجأت ....... شفت هند ونورة وهم يأشرون لي يبوني ادخل مقلط الحريم ..... لأن سعد والكتاب فيه ....... مشيت وانا مستحية عالآخر ....... واول مادخلت طاحت عيني على الكتاب اللي في يد سعد ....... كان له رهبه كبيرة ....... قام سعد من مكانه وجاء حب راسي وهو يقول:مزون إذا كنتي باقي موافقة ... وقعي هنا ..... وإذا لا ..... علميني خليني اصدم محمد ..... كان يقولها بنبرة الفكاهه ....... ماكان لي مزاج اضحك او حتى ابتسم ....... شفتوا المرتاع ..... انا كنت زيه ..... زي البلهاء يحركوني واتحرك ..... مسكت القلم ووقعت ..... انتبهت من قوة بوسة هند لخدي ..... وضمة سعد المفاجئه لي ....... التفت على نورة لقيتها تبكي ..... ايه تبكي في عيونها دموع رحت لها وضميتها ..... وانا احب راسها .... واقول كمحاولة للتخفيف عنها في حال انا ابي من يخفف عني: افااااااااا ........ النوري .... تبكين ..... وانا اللي احسبس بتفرحين لي ....... ضمتني نورة وهي تقول في وسط بكاها:من فرحتي يالغاليه ابكي ........ من فرحتي ..................

مزون تكفين ........ افتحي المروحه ....... قسم بالله خنقتني ريحة الكشنة ....... ماتفهمين انتي ......... اقول لس انا وحااااام ....... مااحب هالريحه ....... تكفين لاتعذبيني ..... ابتسمت لها وانا افتح شبابيك المطبخ ....... واشغل المروحه ....... :تامرين امر ........ كم مرت اخو عندنا وحده ........ اكيد بنشيلس على كفوف الراحة ..........................................
قالت نورة اللي تأكل بنتها :هذا وهو اول واحد ....... بكرة لاجبتي درزن ....... وش بتسوين ...... والتفت نورة على بنتها اللي قالت:ماما .......همـــ ...........................................
نورة: من عيوني ....... هاس حبيبتي ........ ومدت الملعقه لفم الجوري ..........
هند وهي معصبه عليهم:هين مزون بعد شهرين عرسس ..... وبعد شهرين بتحملين ..... جعلني اشوف وحمس ......... واضحك عليس ......... مايكفي اني موب راقصة في عرسكم ..... انتي ورجلس المهبول ذا ................!!!!!!!!!!!!!!!!!!!!!!
ضحكت مزنه وكشرت تسوي معصبه وهي تقول:حدس ........ الا رجلي ........ يسواس انتي واللي في بطنس .......... ترى إذا السالفه عنه ....... الله يعينس ..... بقلبها عليس .......
نوره اللي وقفت بصف هند من بعد اسلوب مزنه:ان كان فيس خير المسي هنودتنا ........ والله ان يفرمس سعد .................................................. .........................................

The End

كلام الكاتبه:

اتمنى ان تكون النهاية بحجم شوقكم ..... وبحجم مستوى القصه ....... لا أعلم كيف بديت ... او كيف انتهيت ..... ولكني اعلم ..... انني استطعت ولو بالشكل البسيط ...... ان ازرع إبتسامة عذبة على شفاهكم ....... اعتذر كثيراً إن قصرت ....... او تأخرت في تنزيل الاجزاء ..... كنت معكم هنا طوال سنتين وربما اكثر ..... ولكن تأكدوا كنتم معي وستكونون نبراساً إلى الأبد .... ابيحوني ..... وحللوني ..... وادعوا لي بالتوفيق .... ولكم كل أمنياتي بالتوفيق .....
اشكر كل من ساهم في إرتقاء اسلوبي .... او في تشجيعي ..... كل الشكر ....... على ثقته الغاليه التي أهداني إياها ..... بحق كنتم لي اجمل أخوة ..... اسأل الله ان يحفظكم .... قبلاتي الحارة للجميع ... اختكم المحبة لكم إمرأة مـا ...!

شكراً كبيرة جداً للغالية :بحر الندى .. التي اتعبتها كثيراً في هذه القصه ... :)

وانا نونا اتمنى ان اختياري للقصه اعجبكم

وانتظروني في اختياري الثاني

دمتم بود

لكم مني اطيب التحايا

noona

: )

11-11-2009, 02:15 PM	رقم المشاركة : 34
نــــونــــا ( مشرفة الأسرة والطفل والمطبخ) اوسمتي مجموع الاوسمة: 1	الجزء الاخير........... كان البيت هادي .... ماكان فيه غير صوت الجوري .... وكلنا أنتظار لدخول هند .... او سعد اللي وحشني .... بشكل مستحيل احد يتخيله ..... فقدته كثير ...... صحيح كانت اسبوعين بس كأنها سنتين ..... كنت انا وعمتي ونورة جالسين في المجلس .... والعيال وعمي جالسين في الحوش ..... كان الصمت عندنا يالحريم سيد الموقف .... ماقطع هالصمت الا دخول هند المفاجئ والهادي بشكل غريب .... لاني اعرف هند هي بجهه والعقل والركاده بجهه ..... شفت جت بسرعه وانكبت في حضن عمتي تبكي ..... تقطع قلبي عليها .... ونزلت دمعتي .... لما تذكرت اني مستحيل ارجع اسوي مع امي نفس الشي ..... قمت عشان اسلم على هند .... رغم اني مشتاقة لها الا ان داخلي حزن كبير ..... اشتقت لامي .... واشتقت لأبوي ..... ابيهم .... سلمت عليها .... رغم ثقل جسمي ..... كانت تسألني عن احوالي .... وتقول انها مشتاقة لي .... كنت ارد عليها بس بشروود .... مدري وش جاني ..... جلسنا شوي ..... وتقهوت .... وقعدت تسولف لنا عن رحلتها ..... واضح من عيونها انها مبسوطة ..... ابتسمت في داخلي ..... الحمدلله ان فيه احد من اللي احبهم ..... مبسوط بحياته ..... صحيح نورة مبسوطة لكن مازال يؤرقها ...... سالفة ان زيد باقي يحب منيرة .... ويبيها ..... هو اسلوبه شوي دفش .... كثير يلمح لها عن هالسالفه ...... المفروض ..... يحاول ينسيها ..... يخليها تثق فيه لآخر حد .... موب يزرع الخوف في قلبها .... يالله الله يهدي سرهم يارب ..... مع اني متأكدة مليون بالمية ان نورة غالية عند زيد .... هذا إذا ماكان يعشقها حد الموت ..... قطعت سرحاني هند لما قالت :بنات سعد دق علي يقول يبي يسلم عليكم ...... قطعتها نورة وهي تقول:بدينا بالحركات .... مايعرف جوالات خواته يعني ..... يوم يدق عليس ..... قطعت كلام نورة هند اللي تقطعت من الضحك وهي تقول:بدينا .... توني مابعد جالي شهر ..... لحقتي تشغلين علي حركات الحموات .... نورة وهي تبتسم :بس وش رايس فيني ....؟؟؟؟؟؟؟ امانة مايصلح الدور علي ..... قسم بالله اني تحفه وانه يضبط .... هند وهي تناظرني بنظرة انا عارفة مغزاها:الا يصلح ..... وهي توجه لي نظرة كأنها تقول لي معس جلسة محترمة ...... انتظريها بس ..... قمت لما شفتها تناظرني وانا اقول نورة سعد جاء ...... وابتسمت إبتسامة من الأذن للأذن لما شفت سعد دخل علينا ..... رحت له بسرعه وضميته ..... وطلعت الكبت اللي في صدري على كتفه .... مدري وش فيني ..... بس ماانتبهت اني ابكي بقوة ..... الا لما شفت سعد جلّسني .... وقعد يمسح على راسي وهو يقول:بسم الله عليس مزون وش فيس ..... انا بخير شوفيني ..... كل ذا عشاني وحشتس ..... طيب شوفيني .... كان يحاول يرفع راسي ..... وانا عجزت احط عيني في عينه .... مدري ليه ..... لو تسألوني الحين ليه قلت لكم مدري ..... جاني شي جبرني ابكي لما شفته ....... يمكن خفت مااشوفه ..... او .... مدري مدري ...... شفته تركني لما شاف نورة اقبلت عليه .... وسلم عليها ولما جات تحب راسه رفع راسه هو وحب راسها ..... لبى قلبه .... طول عمره حنون ..... احس بالفخر دامه اخوي ..... جاني بعد ماسلم عالجوري ..... وسأل نورة عن اخبارها عالسريع .... وهو يقول لي : وش فيها دلوعتنا ...... من اللي مكدر خاطرس ..... لما قال هالكلام حسيت بحنانه ..... رجعت دموعي تنزل ورجعت اضمه بقوة ..... وبدوره هو حط يده ورى ظهري وهو يقول : هدي حبيبتي هدي ...... كل شي بيصير اوكي ..... بس انتي هدي .... بعد مافرغت شحنة الشوق والخوف في نفس الوقت ....... وبان على شكلي اني هديت ..... ماانتبهت الا لهند اللي جات وقالت ..... :بنت قومي ترى الحقوق محفوظة ..... ضحكت لها .... وانا ابعد عن سعد واقول : اشبعي به ..... اسبوعين معه مامليتي؟؟؟؟؟؟؟؟؟ فتحت عينها فيني وقالت:انتي لتس معه اربع وعشرين سنة مامليتي منه ..... تبيني يا أم اسبوعين امل ...؟؟؟! اول ماشفت المجلس امتلى رياجيل ..... رجعت امشي عليهم بالقهوة وانا ااخطط للي في بالي ..... واول ماوصلت لسعد قلت له بصوت واطي:انا بروح اجيب المملك ضبط وضعي عند الجماعة ...... ضحكت على شكله لما فتح عيونه وقال:اليوم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ قلت بحماس :ايه الله يعافيك ...... ماعاد وراي صبر ...... ابتسم لي سعد وقال: توكل على الله وانا بقول لعمي يضبط وضعك ..... تخبر انا جديد على هالشغلات مابعد صرت خبرة ..... نزلت القهوة وطلعت بسرعة من المجلس ...... ودقيت على المملك اللي كنت متفق معه من العصر .... وقايل له اني بجيبه بعد صلاة العشاء ...... وهذانا صلينا العشاء ورجعنا نتقهوى ..... قمت من محلي ورحت جلست جنب عمي ..... وانا اقول له:عم ترى محمد يبي يملك اليوم ..... وهذا هو طلع يجيب المملك ..... شفت عمي فتح عيونه دليل إستغراب .... ابتسمت له وهزيت راسي ..... وابتسم لي بحنان الأبو ...... قمت ورجعت محلي ..... ومامداني اقعد ..... الا وانا اسمع عمي يقول : هذي والله الساعة الطيبة اللي جمعتكم كلكم .... تشهدون معنا ملكة محمد ولدي على بنتي ..... ابتسمت في نفسي ...... وانا اسمع الرياجيل ..... كل واحد يبارك في جهه ........ واللي يقول مشاء الله .... واللي يدعي لهم بالتوفيق ..... قمت من محلي ..... وسحبت الدلة امشي بها على الرياجيل ....... عقب مالفيت دورة كاملة على المجلس ... طلعت برى اعلم هند بالجديد ..... عشان تمهد لمزنة ..... وكل شي يصير تمام ..... سمعت الجوال يرن .... بس محد يشيلة .... لين قطع ..... رجعت سويت إعادة إتصال ........ ورن رنتين ثم سمعت احلى الووو .............!! كان جوالي يدق ..... وانا اصب للحريم ....... القهوة .... طلعت جوالي من شنطتي وشفت ..... "حبيبي" يتصل بك ..... لأني غيرت الأسم من معذبي لحبيبي ..... وحنا راجعين من التمشية .... طلعت من المجلس ..... ولما وصلت الصاله انقطع الرنين ....... مشيت شوي ..... لقيته رجع يرن ..... على طول رديت وانا اقول:الووووووووو.................................. ........ سعد:احلى الووووووووو ....... وحشتينــــــــــــــــي ........ كان يقولها بحالمية ....... هند بخجل: مممممممممـ وانت اكثر ..... بعدين إذا صوتي حلو ..... اكيد اذنيك هم الحلوين ..... سعد: والله انتي الحلوة ....... هنودة ؟؟؟.............. هند:لبيــــــــــه......... سعد:لبى قلبس ......... عندي شي بقوله لس ....... طيب........... هند بنبرة إستفسار:قووووووووول .... فيه شي؟؟؟؟؟؟؟؟؟؟؟؟؟؟؟؟................................ . سعد:ايه ......... محمد راح يجيب المملك ....... يبي يملك على مزنه ..... لا اوصيس مهدي لها الموضوع .......عشان لاجاء يسألها الشيخ ماترتبك ....... هند بفرح: الله ونااااااااااااااااسة ......... واخيراً ........ من عيوني ياقلبي ..... انا ماامهد الموضوع بس ....... انا امهد ابووووووووووووووه ..........وضحكت سعد بحب:كفو والله ......... يالله حبيبتي ..... لازم ارجع المجلس ..... تعرفين يفقدوني ....!!! هند وهي تميلح: حتى انا حبيبي فقدوني الحريم........................... سعد وهو يضحك:اكيد فقدوس محد يهذر على روسهم غيرس .................... مع السلامة حبيبتي .... هند وهي معصبه:هين اوريك ياقلبي ....... مع السلامة ........................................ احس اني على نار ....... لين وصلت ودخلت بالمملك ..... المجلس ........ سلم على الرياجيل وجلس ..... حاولت فيه يتقهوى .... بس رفض يقول مستعجل ......... تمت مراسم الملكة على خير وبقى توقيع مزنه ..... وشروطها لو عندها شروط ....... خذيت الكتاب ........ انا ووجهي ناوي اوديه لها ..... بس شافني سعد وعطاني نظره يحبها قلبكم ..... وخذا الكتاب من يدي ..... وطلع داخل لقسم الحريم ......... ورجعت انا بخيبتي .... وجلست بمحلي ..... ارد على العرب اللي يباركون لي ........ .................................................. ........................... من قالت لي هند وانا مرتاعه ....... الحين عرفت سبب الخوف اللي حسيته ....... كذا يامحمد .... تحطني قدام الأمر الواقع ..... صحيح احلى واقع ........ بس والله تفاجأت ....... شفت هند ونورة وهم يأشرون لي يبوني ادخل مقلط الحريم ..... لأن سعد والكتاب فيه ....... مشيت وانا مستحية عالآخر ....... واول مادخلت طاحت عيني على الكتاب اللي في يد سعد ....... كان له رهبه كبيرة ....... قام سعد من مكانه وجاء حب راسي وهو يقول:مزون إذا كنتي باقي موافقة ... وقعي هنا ..... وإذا لا ..... علميني خليني اصدم محمد ..... كان يقولها بنبرة الفكاهه ....... ماكان لي مزاج اضحك او حتى ابتسم ....... شفتوا المرتاع ..... انا كنت زيه ..... زي البلهاء يحركوني واتحرك ..... مسكت القلم ووقعت ..... انتبهت من قوة بوسة هند لخدي ..... وضمة سعد المفاجئه لي ....... التفت على نورة لقيتها تبكي ..... ايه تبكي في عيونها دموع رحت لها وضميتها ..... وانا احب راسها .... واقول كمحاولة للتخفيف عنها في حال انا ابي من يخفف عني: افااااااااا ........ النوري .... تبكين ..... وانا اللي احسبس بتفرحين لي ....... ضمتني نورة وهي تقول في وسط بكاها:من فرحتي يالغاليه ابكي ........ من فرحتي .................. مزون تكفين ........ افتحي المروحه ....... قسم بالله خنقتني ريحة الكشنة ....... ماتفهمين انتي ......... اقول لس انا وحااااام ....... مااحب هالريحه ....... تكفين لاتعذبيني ..... ابتسمت لها وانا افتح شبابيك المطبخ ....... واشغل المروحه ....... :تامرين امر ........ كم مرت اخو عندنا وحده ........ اكيد بنشيلس على كفوف الراحة .......................................... قالت نورة اللي تأكل بنتها :هذا وهو اول واحد ....... بكرة لاجبتي درزن ....... وش بتسوين ...... والتفت نورة على بنتها اللي قالت:ماما .......همـــ ........................................... نورة: من عيوني ....... هاس حبيبتي ........ ومدت الملعقه لفم الجوري .......... هند وهي معصبه عليهم:هين مزون بعد شهرين عرسس ..... وبعد شهرين بتحملين ..... جعلني اشوف وحمس ......... واضحك عليس ......... مايكفي اني موب راقصة في عرسكم ..... انتي ورجلس المهبول ذا ................!!!!!!!!!!!!!!!!!!!!!! ضحكت مزنه وكشرت تسوي معصبه وهي تقول:حدس ........ الا رجلي ........ يسواس انتي واللي في بطنس .......... ترى إذا السالفه عنه ....... الله يعينس ..... بقلبها عليس ....... نوره اللي وقفت بصف هند من بعد اسلوب مزنه:ان كان فيس خير المسي هنودتنا ........ والله ان يفرمس سعد .................................................. ......................................... The End كلام الكاتبه: اتمنى ان تكون النهاية بحجم شوقكم ..... وبحجم مستوى القصه ....... لا أعلم كيف بديت ... او كيف انتهيت ..... ولكني اعلم ..... انني استطعت ولو بالشكل البسيط ...... ان ازرع إبتسامة عذبة على شفاهكم ....... اعتذر كثيراً إن قصرت ....... او تأخرت في تنزيل الاجزاء ..... كنت معكم هنا طوال سنتين وربما اكثر ..... ولكن تأكدوا كنتم معي وستكونون نبراساً إلى الأبد .... ابيحوني ..... وحللوني ..... وادعوا لي بالتوفيق .... ولكم كل أمنياتي بالتوفيق ..... اشكر كل من ساهم في إرتقاء اسلوبي .... او في تشجيعي ..... كل الشكر ....... على ثقته الغاليه التي أهداني إياها ..... بحق كنتم لي اجمل أخوة ..... اسأل الله ان يحفظكم .... قبلاتي الحارة للجميع ... اختكم المحبة لكم إمرأة مـا ...! شكراً كبيرة جداً للغالية :بحر الندى .. التي اتعبتها كثيراً في هذه القصه ... :) وانا نونا اتمنى ان اختياري للقصه اعجبكم وانتظروني في اختياري الثاني دمتم بود لكم مني اطيب التحايا noona : )