سقى الله يوم انا(طفلة) وأنام ولاأحد قدي !
ولاأحاكي هموم اليوم
ولاأنطر... أمل بكره
تداعب أمي شعراتي
وتمسح يدها خدي ..
ونومي هادي وساكن
تلاعب يدي "الدمية"
وعندي هالزمن وردي
همومي(لعبتي ضاعت)
وعندي هاالهم وش كبره؟
كبرت .. وزادت همومي واحس ان الزمن ضدي
كبرت .. ونظرة الطفلة
تعيش بداخلي فطرة؟
كبرت .. وعشت هالدنيا
كبرت .. ولاهو بيدي !
كبرت .. بشكلي ورسمي
وقلبي بااااقي بصغره
وصارالهم يلعب بي
مثل دميات في يدي
واسهرليلي بطوله
ويعلن رحلته فجره
ياليت وليت انا (طفله)
وانام ولااحد قدي !
ولااحاكي هموم اليوم
ولاانطر...... امل بكره