الجزء الثلاثون:
كيفس يابنتي عقب البارح...؟؟؟؟؟؟؟عساس ماتعبتي؟؟؟؟؟؟؟؟؟؟؟؟؟؟؟؟؟؟؟؟
مزنه وهي تبتسم لعمتها بحب:لا ابشرس بخير الحمدلله انتي وش لونس؟؟؟؟؟؟؟؟
ام زيد وهي تقعد:بخير الله يسلمس ويخليس يابنتي...الا هند وين هي يابنتي؟؟؟؟؟؟؟؟؟؟
مزنه وهي تاخذ الجوري من امها وتبوسها:هند في غرفتها تلبس الحين اناديها وتجي تسلم عليس دقيقه بس...ومدت الجوري على نوره وطلعت..وهي طالعه شافت سعد قدامها اللي ابتسم لها ...وقال:مزنه الله يرضى عليس جهزي القهوه....ولف بيطلع للمجلس..
مزنه:ابشر بس خلني انادي هند...ومشت بترووح الا وسعد موقفها :خلاص انتي روحي جهزي القهوه وانا بناديها وبالمره آخذ شماغي.......!!!!!!!!!!!!!!!!!!!!!!!!!!!!!!ومشى بسرعه رايح لغرفتهم...ابتسمت مزنه له بفرح..وهي تقول بخاطرها:الله يسعدكم ياخوي....
دخل سعد لقى الغرفه مثل ماهي النور مطفى والستاير مسكره..والمكيف شغال وبارد بزياده....ومشى وقرب من هند اللي نايمه بس الفرق في الغرفه كلها كان عليها...سعد كان متأكد انه غطاها بالمفرش...بس الظاهر انها احترت او ماادري وش سالفتها....قرب سعد منها شاف حواجبها معقده.....وشعرها كله جاي على نص وجهها....ونايمه على ظهرها ويدها على راسها....مسك يدها ووخرها بهدوء عن وجهها وحط يده على راسها يشوف معها حراره او لا....وبمجرد مالمست يده راسها فتحت هند عيونها....وطاحت عينها في عينه.....شافت كل ملامح الطيبه في الحياه....شافت نظرات كلها حنان وعطف....وهو مازال حاط يده على راسها وجاء بيصّرف نفسه....ابتسم وقال:جيت اشوف معس حراره ولا لا....لأنس معقدة حواجبس.... ”وزاد عليها" وتونين......!!!!!!!!!!!!!!!!!!!!!!!!!!!!!!!!!
هند قعدت على حيلها وهي ترجع شعرها لورى وتحاول تربطه:لا منيب تعبانه....بس الظاهر الحرب اللي البارحه اثرت على راسي....وجاني صداع....!!!!!!!!!!!!
سعد وهو يلف ياخذ غترته:والله الحرب اللي البارح مهب انا سببها....انا إنسان مااحب الشر....واللي يتلقف علي مااخليه في حاله....يالله ياهند قومي غسلي وجهس وبدلي...ترى عمتي وابوس واخوانس جاو.....والا استحليتي النوم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هند وهي توقف وتنزل من السرير وتمشي للحمام بدون ماتطالع فيه:لا والله مااستحليته....واما بالنسبه للحرب....لاتقول انها مهب عاجبتك.....لأن حياتي معك كلها بتكون بها الشكل..................!!!!!!!!!!!!!!!!!!!!!!!!!!! !!!!!!!!
سعد اللي فهم مغزاها قال وهو جاي يبي يطلع وقبل لاتوصل للحمام:يعني موافقه تعيشين معي حياه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟!!!!!!!!!!!!!!!!!!!!!!!!!!!!!!!!
ناظرت فيه هند بطرف عينها ومشت للحمام .... وهو يناظر فيها ويبتسم ويقول احلى حرب على فكره وطلع وخلاها فاتحة فمها فيه من الصدمه....!!!!
الله كل ذا تقّوم هند ... لاحقين الله يجزاكم خير معكم العمر كله ... كانت هذي نوره اللي طالعة ببنتها وماشية للمطبخ تشوف مزنه إذا تبي مساعده ...
ابتسم لها سعد وقال:ياحليلس يانوره بلاس ماتدرين عن شي .... ماتدرين اني ضربت مزنه اليوم عشان هند .... وماتدرين اني بزوجها بعد شهر عشان افتك منها.... وتفتك منها هنودتي .... !!!!!!!!!!!!!!!!!!!!!!!!!!!
نوره اللي تناظره نظرة المصدوم مسكته عل جنب وقالت:سعد انت صادق ولاتمزح؟؟؟
سعد وهو يوخر يدها عن كتفه:لا صادق ليه انتي كفو احد يمزح معس.....؟؟؟؟؟؟؟؟؟!!!!!!!
نوره وعيونها كلها شرر:افاااااااا كلها ليله وصار حالك كذا اجل بعد سنه وش بتسوي؟؟؟؟؟؟؟؟
سعد وهو يبتسم لها بمحبه ويمسك راسها ويحبه:امزح معس ياخوس ....
نوره وهي تغمز له:الله يسعدها هند اللي طرحت الجديه من وجهك وخلتك تعرف تنكت.....!!!!!!!!!!!!!!!!!!!!!!!!
ومشت ورا سعد اللي دخل المطبخ وهو يسأل مزنه إذا القهوه خلصت ولا لا..... اللي مزنه بدورها جابت الطوفريه له ... وهي تقول :جاهزه.........
السلام عليكم....كان هذا صوت هند اللي دخلت ووجهها تعلوه ملامح الخجل .... وخدودها محمره عشان ولا شيء ... بس تحس ان ودها تضحك فيه إحساس قاعد يداعب مشاعرها يبيها تضحك .... بس حفاظاً على شكلها راحت لأمها بسرعه وهي تضمها وتقول:اشتقت لس يالغاليه .... وينس ابيس يمه ... ابيس .....!!!!
ام زيد اللي مسحت على شعر بنتها وقعدت تبوسها دمعت عينها وهي تقول:الله يالبيت بدونس مايسوى ... تقولين قبر مابه حياه ....
هند بعد ماسمعت نبرة صوت امها حاولت تطلعها من المود وقالت:يمه عاد لاتكذبين هي كلها ثني عشر ساعه اللي طلعتها من البيت ..... وقعدت تضحك وتبوس امها على راسها وترجع تحضنها ونوره قايمه تبي تحضنها......!!!! إلى ان صار الغير متوقع وهو دخول سعد المفاجئ عليهم المجلس وهو يقول:ياسلااااااااااااااااااااااااام ....توني مابعد شبعت منها قمتوا توزوعونها .... !!!!!!!!!!!!
ام زيد تضحك من ردة فعل سعد وشكله وهو حاط يده على خصره .... ونوره اللي قامت تقول: انا اقولك دامها هند هي مرتك منت بشابعٍ منها ....
سعد اللي شاف نظرات هند اللي واضح انها منحرجه ... قال عشان يبعد الخوف والخجل عنها: هند عمي والعيال يبون يسلمون عليس ... الحقيني في المجلس .... ومشى طالع ...
يبه انا رجعت طلبت مزنه من اخوها .... قد لي فترة مهب هينه ... الله يخليك لي إذا جاء ذالحين انشده وش ردهم ...!!!!!!!!!!!!!!!!!!!!
ابو زيد:وانت على كيفك تعجن وتخبز ... ماتقول عندي ابو بسأله بخليه يخطب لي ...
محمد وهو يمسك راس ابوه ويحبه:العذر والسموحه ياطويل العمر لكن تخبر ولدك فيه رضخه...مطفوق ..... وفيني رجه ..... تكفى يالغالي كلمه.... وسكت محمد بدخول سعد عليهم وهو يبتسم ويقول:وش يكلمني فيه يالدب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو زيد:يابوك يبي يشوف راي مزنه في اللي كلمك فيه .... وتراه شاريها .... ولانيب مزوجه اياها الا لاسمعت رد مزنه بأذني ....
سعد وهو يضحك:مايحتاج ياطويل العمر .... العروس موافقه ....
ابوزيد بلهجه آمره:وانا قلت مافيه عرس الا لاسمعت ردها..................!!!!!!!!!!
سعد وهو يناظر الباب محل مادخلت هند:لك اللي تبي الله يطول لنا بعمرك ..................
من اول مادخلت المجلس وانا كل العيون علي .... حسيت بالإحراج مدري ليش .... مدري ليش حسيت نظرة ابوي لي غير واخواني بعد .... عيونهم فيها شيء ..... فيهم إبتسامه حلوه وبنفس الوقت احرجتني .... احس اني امشي وانا بردانه .... وجودهم كلهم مع بعض وبحضور سعد بعد حسيت انه جديد .... شكلهم كان حلو .... والأحلى إبتسامة ابوي الحانيه .... ونظرة زيد الودوده .... وإبتسامة محمد الحنونه .... والأقوى من كذا تعليقات فايز الله يخليه لي يارب .... دايم يعلق علي بسعد .... من قبل مايصير أي شي يربطني فيه .... وكنت دايم اضربه .... ومااقدر اقول لأبوي او واحد من العيال شي .... لأني استحي من الفكره .... فكيف ممكن اصرح باللفظ ............!!!!!! وسعد .... سعد ماادري ليش ماشفته معهم كنت عارفه انه موجود بس عيوني ولله الحمد ماطاحت عليه .... مدري ليه حسيت اني احب عيني ولأول مره سميت بالله في خاطري وتقدمت لأبوي وانا احس اني شوي وببكي .... اجتاحتني عاصفه من مشاعر غريبه .... على خجل وإضطراب ... مشاعر مثل ماقلت لكم جديده علي .... حسيتا ني خلاص ماعدت بنتهم اللي تعاندهم ويدلعونها ويلبون كل طلباتها .... إذا ماكان طيب .... يكون غصب .... حسيت اني الحين مسكت زمام مسؤليتي ويمكن بعد مسؤلية غيري .... وانا قبل مسؤلية نفسي موب شايلتها حتى ..... دنقت على راس ابوي القاعد وحبيت جبهته وخشمه وخدوده .... وودي لو اقدر اضمه وابكي في حضنه واوقول له ابي ارجع مثل اول .... وماانتبهت لليدين اللي مسكتني مع كتوفي ولفتني ناحيتها .... بيني وبينكم خفت مدري ليه تخيلته سعد .... قلت يمكن يسوي حركه من حركاته السخيفه .... بس حمدت ربي مليون يوم طلع زيد .... اللي ضمني لصدره وهو يقول:والله واعرستي ياهند ..... مبروك حبيبتي ..... وحب جبهتي وطاحت عيني على سعد اللي كان يناظر الموقف بتركيز والمشكله عينه علي ..... وقامت ايدين اخواني تلقفني محمد من هنا وهو يضمني لصدره ويمسح على راسي ... وفايز الله يحفظه توني انتبه انه كبر .... لاتناظروني كذا انا فعلاً كأني اول مره اشوفه احس انه كبر وصار رجال .... لما قال لسعد:انتبه لعيوني ياسعد وإياني وإياك اشوفك مقصر بحقها ... هنا طاحت دموعي .... حسيت اني غاليه بالحيل ..... وودي لو ارجع مع اهلي .... وياليتني اقدر !!!..................... ماحسيت على نفسي اني سرحانه الا لما سمعت ابوي يقول تعالي اقعدي جنب رجلس يابنتي ..... هنا وقف تفكيري انا وياه بينا إلتماس ممكن نشب بأي لحظه .... شلون يبيني ابوي اجلس جنبه ..... ومدري كيف طلعت هالكلمتين من فمي ..... وقلت:اسمح لي يالغالي .... وماابي ابين شي لهم وفي نفس الوقت ابي اعطي سعيدان دقات من اللي يحبها قلبه .... سعد يمديني عليه ومهب اهم منك والله .... انا بقعد جنبك واملي عيني بشوفتك .... قلت هالكلام وانا اقعد جنب ابوي وعيني على سعد اللي مافاتته حركتي بالعكس ابتسم نص إبتسامه وواضح انه قاعد يفكر..................!!!!!!!!!
بعد ماراحوا اهلي اللي ودعتهم بدموعي وكأني موب شايفتهم مره ثانيه .... لاتلوموني اللي لسا ماتزوجت منكم عمرها ماحست بهالإحساس وهو انك في ظرف يوم وليله ..... انتي في بيت واهلس في بيت ثاني .... ولما تتزوجون راح تحسون هالإحساس وعندها تذكروا هند .... ماامداني التفت من على الباب الا وسعد واقف وراي .... ويناظرني من فوق لتحت وهو معصب ..... لاتسألوني ليه ؟؟؟؟ ملامحه تقول كذا .... شفايفه مزمومه ... وحواجبه معقده ... مدري مدري ... بس احس انه معصب وكردة فعل طبيعيه لأي شخص خايف قلت بحذر:خيـــــــر................................... ...
سعد وهو يتكي عالباب ويمسح بيده على فمه .... :امشي ابغاس في الغرفه وماابي احد يسمعنا .....
هند خافت من كلامه وبلا سابق إنذار نطقت:موب ايحه معك مكان ..... اللي تبي تقوله قوله مافيه احد ....
سعد اللي عدّل وقفته وهو ياخذ نفس ويتمتم بكلام مو مفهوم ابداً:اقول بلا بربره زايده انا قلت امشي للغرفه يعني امشي للغرفه .... ولاتخافين مهب اللي في بالس .... تحركي اشوف نطق هالكلمتين بنره اعلى من صوته المعتاد .... ومشت هند زي الصاروخ قدامه ... وتبعها بهدوء ..... وهو يبتسم على شكلها البنوتي ....
قهرتني بلبسها شلون تطلع عند ابوها واخوانها بهاللبس .... هو ذي ماتستحي ياناس .... عمري في حياتي ماشفت مره تلبس كذا الا اللي بالتلفزيون .... ولاشفتهم بعد طفيت التلفزيون .... قهرتني اناظرها .... ولا كأنها شايفتني .... معقوله كل وحده تتزوج تفسخ الحيا .... والله لاتسوي كذا مزنه اني مدري وش بسوي فيها .... لحظه نوره قبل مزنه ماعمري جيتها في بيتها وناديتها وشفت عليها لبس مثل كذا .... لكن الظاهر ذي من زمان ماتستحي .... الظاهر الكذبه اللي كذبتها عليها مع الهندي بصدقها .... والله ياخوفي ياهند من اللي في بالي وانس من بنات ذا اليومين .... لا لا لا ياسعد وش ذا الكلام يعني انت ماتعرف تربية عمك .... مدام عمك اللي مربيها لازم تثق فيها ..... وانا ليش اقعد افر براسي ليش ماآخذ العلم من راسها ...
دخلت الغرفه وانا خايفه .... مدري وش يبي .... وماابي ادري ... شكله ماكان عادي يارب سترك .... انا مافيني حيل لشي ...... وطلعت من كل افكاري ذي يوم شفت سعد داخل علي وعيونه تقدح شرر .... وقرب مني وعينه في عيني انا بطبيعتي رجعت لورا وهو مازال يقرب مني ... وانا ارجع .... وهو يقرب .... وارجع وباقي يقرب ... إلى ان لصقت في جدار الغرفه .... وحسيت انه في أي لحظه بيمد يده علي .... فمديت ذراعي وغطيت بها وجهي كطريقه للدفاع مع انها ماراح تحمي لكن ماباليد حيله ... مانتبهت الا للي يمسك طرف قميصي وهو يشده .... هنا خلاص قررت اصرخ .... جاني شي يقول ياهند اصرخي .... خلي مزنه تجي وتفكس من يده .... هذا وش ناوي عليه .... وكل هالأوهام راحت من بالي لما قال:انتي عادي عندس تلبسين ذا اللبس عند اهلس .... وبعدها فك طرف القميص وهو يقول بكل ثقه وإصرار هذي آخر مره اشوفس تلبسين ذا اللبس عند الناس ..... ولف رايح ناحية الباب ... والتفت عليها يقول:بس انا عادي عندي ترى لو تلبسينه ..... وابتسم وطلع .... وقفت هند مبهته تناظر محل ماطلع سعد وهي تمشي توقف جنب المرايه تشوف لبسها اللي نقدها فيه سعد وهس ساكته .... لبسها كان عادي بالنسبه لها هي تعودت تلبس كذا عند اهلها .... من يكون سعد عشان يفرض رايه عليها ..... هذا وجهي إذا عطيتك وجه وسمعت كلامك ومسكت العطر اللي عالكوميدينه وبخت من رشتين على قميصها .... وخذت منه شوي في يدها وحطته ورا اثنيها وهي تقول:والله اني حلوه.............................................! !!!!!!
(انا عارفه انكم كلكم ودكم تعرفون وش كانت لابسه هند .... طيب اخاف يطق في احدكم عرق ورحمة مني لكم بقولكم^_^كانت لابسه برمودا لنص الساق زيتي .... ومنثور عليه فصوص كثيره ليمونيه ... وقميص ليموني .... كمه قصير مره .... ورافعه شعرها الأسود الطويل ذيل حصان .... ورابطه على معصمها شريطه زيتيه .... تتبعها شريطه ثانيه لونها ليموني .... وحاطه قلوس لحمي .... مبين بياضها كثير .... كان شكل لبسها متناقض مع لون شعرها على بلاطه كانت فتنه بالنسبه لسعد بس... لأن اخوانها متعودين يشوفونها بهاالشكل).......
ياعمري عليها هنوده مستحيه مررررررره .... تخيلي انها بكت يوم ضمها فايز ..... وقعد يوصي سعد عليها .... والله اني بشتاق لها ولّقافتها .... تصدقين اني كنت اتمنى قبل ان بنتي تطلع ماتشبه لها .... لكن الحين ودي ان كل عيالي ياخذون من عمتهم ....كان هذا زيد اللي يناظر نوره وهي تغير لبنتها ....
نوره وهي تبتسم له:ايه والله وحشني حسها في البيت ... تونا مالنا الا يوم منها .... اجل بعد سنه وش بنسوي ..... ووقفت بنتها تعدل لبسها .... ومدتها لأبوها وهي تقول :امسكها خلني انزل الملابس للغساله .... والله اني تعبت منها مغير تصيح ولاادري وش علتها ..... مشكله الطفل الصغير لاصار يتألم مايقدر يقول ... والله اني ارحمهم ....
زيد اللي ناظرها بهيام:هو بقى احد في العالم ماحنيتي عليه ... انتي حنتيس مغرقتنا ياقلبي ....
نوره اللي خجلت:ياحلو حكيك يازيد .... ياليتني اعرف احكي زيك ....!!!!!!
زيد اللي قام وجاء عندها وهو يمسك يدها:والله انتي اللي حكيس يجنن .... جعلني مااذوق حزنس يالنوري .... وقرب منها يبي يبوسها لكن الجوري ماخلت احد يتهنى .... بما انها توها تقعد فطبيعي تقعد وتطيح .... فقعدها ابوها ..... وقام لنوره .... ولكن الجوري رجعت طاحت وقامت نوره وهي تقول:بسم الله على بنتي................ كشر زيد وقال:الا احسن عشان تفكني من النجاسه ....................!!!!!!!!!!!!!!!!!!!!!!!!!!!!!! !!!!!!!!!!!!!
تكفين هنوده طلبتس لاترديني ابي اشوف ردة فعله ....
هند وهي خايفه:تستهبلين انتي عشان يذبحني انا وياس ..... ويحذفنا لكلب جيرانكم المزعج وعاد الكلب يخلينا وجبه لمدة يومين ....
مزنه:انا اضمن انه مهب مسويلس شي .... وانا سوا شي بس بيهاوشنا .... تكفين والله انه على وشك يجي .... هند عاد طلبتس بلا سماجه .....
هند وهي متردده وترفع يدها وتنزلها:خلاص امري لله .... بس والله يامزنه لايجيني شي ان تندمين وان مايمنعني منس احد ....
مزنه وهي تبتسم بإنتصار:معليس يالخوافه مهب صاير الا الخير بس مثل ماوصيتس انتبهي تضحكين تراس احياناً حماره .... يالله هذا حس سيارته قومي يالله وسوي نفسس متفاجئه من اللي اقوله ....
دخل سعد وهو يسمع صوت عالي ... الصوت ذا مهب غريب عليه ذا صوت مزنه .... ومع هالصوت صوت هند ... ياويلي شكلهم يتهاوشون ..... تونا بادين الله يستر من الجاي ....
مشى بسرعه ناحية الصوت .... ومايدري وش هو الإجراء اللي ممكن يستخدمه مع ذا الثنتين .... لا وده يزعل مزنه وبعد ماوده يضايق هند .... دخل والنقاش حامي وعلى اشده .... ناظر مزنه اللي تقول:لاتحسبيني مااعرف حركاتس ... انا عارفه انس انتي اللي سرقتي العقد حق نوره .... مافيه الا انا وياس .... قولي وين حطيتيه احسن لس ...؟؟؟؟؟؟؟؟؟؟؟؟؟؟؟؟؟؟!!!!!!
هند وهي تكمل الوصله بإتقان:ليه عيوني ماشفت خير قالولس .... لاياعمري لاتسوين المصيبه وتحذفينها على راس غيرس ..... انا عارفة ان عينس عليه ... طيب يااختي مافيها شي لو قلتي لنوره تعطيس اياه موب قايلة لا ترى .... وسكتوا كلهم على صرخة سعد اللي يقول:بــــــــــــــــــــــــــــــــــــــــــــ ــــــــــــــــس انتي وياها .... ولاكأني موجود .... استحوا على وجيهكم .... خير وش صاير عشان ذا كله ....؟؟؟؟؟ انتوا نسيتوا انكم خوات .... ولاتبوني اذكركم .... يالله اشوف انتي وياها كل وحده تسلم على الثانيه اشوف .... وتعتذر منها .... ولاعاد اشوف ذا الحركات قدامي والله ماتلومون الا انفسكم خوات آخر زمن ... امشي انتي سلمي عليها واشر على مزنه ... قالت مزنه بقواة وجه:ليش هي اللي ماتجيني؟؟؟؟؟ سعد غمض عيونه وهو يزفر:اقول امشوا كلكم ووقفوا في نص الصاله وسلموا على بعض واعتذروا .....
هند تناظره بطرف عينها:شايفنا بزران على ذا الحركات ....
سعد عصب وقرب منها وقال:لا انا اللي بزر ... وسحبها بقوه ودفها على مزنه اللي تلقفتها بيديها وهي تقول:سعد هد ... هذا مقلب مسوينه فيك ... نبي نشوف بتوقف مع من قالتها بكل غباء...
ناظرها سعد بعصبيه وعيونه تطلق شرر:يعني طلعت مخفه عندس انتي وياها تلعبون علي .... انقلعوا من وجهي انتي وياها لاامسك الوحده ثم اضربها لين تحب الأرض انقلعووووووووووووووووووووووووووووووووووووووووووووو وووووووووااااااااا
طلعوا الثنتين وهم يرجفون .... ردة فعله كانت جداً غير متوقعه ... ابد ماتوقعوه يعصب كذا ... راحت مزنه بسرعه للمطبخ ... تجيب له كاس ماء ... صبت الكاس مزنه ومدته على هند... هند ناظرت فيها وقالت:وش اسويبه .... ؟؟؟؟؟؟؟؟؟؟؟
مزنه وهي ترجف:عطيه رجلس .... بسرعه ترى والله لو ماتودينه الحين ان ياكلس ... هو متعود لاعصب يشرب كاس ماء ويوديه له اللي زعله ...
هند بإستنكار:بس انا مازعلته الحالي ... انتي معي ...
مزنه وهي تحبك الكذبه من الخوف:صح .... لكن انا متعود علي وعندي اشياء اخليه يرضى علي فيها ... بس انتي الحين جديده ماتعرفين له .... ودفتها وهي تقول:روحي يالله عطيه الكاس واطلعي .... مشت هند بلا طواعيه منها ... ومشت ناحية الصاله الداخليه وهي تقرا جميع آيه وجميع دعاء تعرفه .... ودخلت وشافت سعد جالس عالكنب ومغطي وجهه بشماغه ..... ترددت تناديه ... وبعدين توكلت على الله وقالت بحروف متقطعه:سـ...سـعـ....د ....
ورجعت على ورا شوي يوم شافت سعد يوخر شماغ عن وجهه وهو يقول:خير وش تبين؟؟؟؟
بدون ماتتكلم هند مدت له الكاس .... وهو بكل عنجهيه وغرور ... رجع شماغه على وجهه وقال:ماابيه اشربيه انتي .... !!!!!!!!!!!!!!!!!!!!!!!!!
هند ماراحت ومن القهر تحس نفسها قاعده تتصرف بدون شعور:وخرت شماغه عن وجهه ... وكبت كاس الماء على وجهه .... وقالت:الشرهه موب عليك على اللي يهتم فيك ... وبكت وطلعت تركض .... سعد قعد مفهي فيها وجلس شوي بعدين ضحك على شكلها .... وهو يتوعدها على هالحركه .... بس بطريقته الخاصه .............................!!!!!!!!!!!!!!
الحيوان السخيف .... الشرهه والله موب عليه على مزنه اللي اسخف منه .... من زينك والا من زين وجهك ....وماانتبهت على نفسها انها كانت تتكلم بصوت عالي من الحره .... الا لما شافت سعد يقول:والله انا واثق من زيني ومايهمني رايس .... بس انتي مطوله بحركات الأطفال ذي .... حسب ماسمعت ان عمرس اربع وعشرين سنه .... يعني كبرتي من زمان ...
بس تدرين انا استاهل لأني معطيس وجه ..... وجاء جنبها ومسك يديها الثنتين .... وقعد يضرب ظهرها بطرف يده وهو يقول:عيب ياماما الحركات ذي .... وفك يدها وهو يضحك ويقول:الظاهر ان ذي هي الطريقه اللي من اليوم ورايح بطبقها معس ... لأن حل لمشاكل الأطفال .........................!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!
مع فائق ودي واحترامي
نــــــــــــونـــــــــــــا