;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;
بعد العصـــــر ..
جـود وصلـت لبيت حـلآ ومعاهـآ سعود .. والي حابه تعرف صاحبتها عليـــــه ..
سعود يشد عبايتها : هادا بيت مين ؟
جود تسكته وهي تشوف الباب ينفتح : بيت صديقتي اسكت ..
الخادمه : اهلن مدامم زوووود اتفززل ..
سعود : زووود ههههههه
جود : هههه انطم وادخل ..
دخلوآ للقصــر وسعود عيونو طايره .. يطالع يمين وشمال .. منبهر بمساحة القصر الواسعه والسقف العالي والنجفات المتدليه من اعلآآهـ وكلها كرستالات لامعــه .. طول الشبابيك والستاير الفخمه من اعلى السقف الى نهاية الشبـآك ..
جود تسحبه من ايده وتقعده ع الكنبه : فضحتنا وش فيك تناظر كذا مثل الخبل ..
سعود : وااااو بيتهم مرررررررررررررررررررررررررره كبير وحلوووو ..
جود ابتسمت : قول ماشاء الله
سعود : ماشاء الله ..
جود : يلا الحين بتجي صديقتي واعرفك عليها اوووكي ..
سعود : ايش اسمها ..
جود : اسمها ........
قاطعهم صوت حلا جاي من بعيد : هلا والله تو مانور البيت شرفتو ..
جود وقفت وسلمت عليها : هلا يادبه شلوونك ..
حلا بنعومه : بخير وانتي ؟
جود : تماااام ..
حلا ابتسمت وهي تطالع سعود : اممم اكيد هذا سعود اخووك الجديد ؟
جود : هههههه ايه بالله عليك مو يخبل ..
حلا باسته على خده : ماشاء الله يززززنن .. كيفك يابطل ؟
سعود : طيب..
حلا : دوووم ان شاء الله ...... اتفضلووو ( نادت بصوت عالي ) سوونيا ..
جات الخادمه : ايه مدام ؟
حلا : وش تشربون ؟
جود : امممم انا عن نفسي ابي عصير ليموون .. ( طالعت سعود بحنان ) وانت ياقمر وش تبي ؟
سعود يوشوشها في اذنها : كووولا ..
جود : ههههههه لا توك شارب واحد بالطريق ..
سعود : الا ابغااااه ..
حلا : ههههه خلاص جوجو خليه يستاهل كولا وشوكلاته بعد ..
بعد ماراحت الخادمـه ..
حلا : اممم تطلعون فوق ؟ مافيه غير امي وسارونه ..
جود وقفت : اووكي يلا ..
طلعوا لفوق .. الصاله كانت فاضيــــه ..
ودتهـم للصـآله الثـآنيه الكبيره الي بنهاية الدور الثـآني والمطلـه على الدور السفلــي بشكل دآئري ..
وقفت ساره مبتسمه اول ماشافتهم ..
جود ابتسمت : السلام عليكم ..
الكل : وعليكم السلام ..
جود سلمت على ساره وام حلا وجلسوآ سوووى ..
ام محمد : هلا بنيتي شلوونك وينك ماعاد نشووفك ؟
جود : الحمد الله خالتي والله انشغلت شوووي مع الوالده ..
ام محمد : الله يحفظها لك .. كيفك وكيف ايامك وش مسويه ؟
جود : والله تمااام عايشين ..
ام محمد ابتسمت : الحمد الله .. ( اشرت على ساره ) هذي ساره بنت عم حلا اكيد تذكرينها ..
جود : اييييه ولو .. شلوونك ساره ؟
ساره : بخير كيفك انتي ؟
جود : الحمد الله ..
حلا : هههههه يلا بطلوا رسميـآت ..
ام محمد وهي تبتسم لسعود : ومين هالشاااطر ؟
سعود بخجل : انا سعود ..
ام محمد : ماشاء الله قممممر الله يحفظك حبيبي .. شلونك ؟
سعود : بخير ياخاله ..
ام محمد مدتله ايدها : تعال اجلس جنبي ..
سعود انحرج ولصق جسمه في جود ...
جود بهمس : روح ياقلبي ماراح تاكلك ..
سعود بصوت واطي بالكاد ينسمع : مابغه بقعد معاكي ..
جود ابتسمت : اوكي . ههههههه معليه ياخاله تدرين اول مره يشوفكم ومستحي ..
ام محمد : ماعليه حبيبتي .. هذا اخووك ؟
جود انحرجت : ايه اخوووي ..
ام محمد : ماشاء الله بس ماتشبهون لبعض ابد ؟
جود ترقعهـآ : ايه لاننا موب اشقاء ..
ام محمد : اهاااا يلا الله يخليكم لبعض ( وقفت ) انا بروح عندي شغلات بخلصها .. خذو راحتكم البيت بيتكم ..
جود : تسلمين ياخاله ..
راحت ام محمد وتركت البنات بالصااااله ..
حلا : وش فيكم ساكتين .. اقوول تعالو ننزل اوريكم الديكـــووور ..
نـزلوا البنـآت وانبهرووآ بفضـآعه الديكور والجــو مررره رهيـــب ..
جود : مرررررره نايس ماشاء الله ..
ساره : ايه والله يجنن حيييييل ..
حلا وهي تأشرلهم ع المكان : بس لسه باقي شغلات ماخلصناها .. اممم الكوشه جاهزه بس باقي يجو يركبوونها .. والورود لازم تجي بنفس اليووم اممم واجهزة البخاار والفقاعات بكرا بتوصل .. وايش بعد .... ايه الليله بيجون يركبون الاناااره واللمبات الملونه ..
جود : هههههه لسه مشوووارك طوويل ..
ساره : يلا الله يعينكم بس راح يطلع كول ..
حلا : ان شااء الله ..
وفي كلامهم هذا .. دخل عليهـم شخص غير منتظـــرر ..
نواف وهوا يدف الكراتين لداخل الصاله المغلقه الي فيها البنات : حلووله تعالي ساعديني ..
حلا اتفاجأت .. كانت بتتكلم قبل لا يدخل بس خلاص قدهـ وصل لعندها .. رفع نفسه وانصصصصدم ؟!
ساره انحرجت ووجهها تقلب الاان .. ارتبكت ورجولها ماعادت تشيلها .. دق قلبها بقوه ..
ونواف واقف مبلــه في الي قدآآمــــه ..
جود ... حبيبته ونور عينـــه ..
كانت واقفه بجمالها البريء وطبيعتها الجذابه وتناظره والابتسامه مرتسمه على شفايفها وغمازتها الوحيده بارزه ومحليتها اكثر ..
نواف بلع ريقه وهو ينتبه بوجود سـآره ..
نزل راسه بسرعه ....... حبيبته / / زوجــة المستقبل ..... مع بعض بنفس المكـآن ..
جود :: الي اختارها قلبــــه ..
ساره :: الي اختاروها له اهلـــه ..
صعــب التفكير .. صعب اتخااذ القرار ..
فاق على نفسه على صوت حلا تصرخ : نواافوه وش فيك اطلع يلااااا عجبتك الشغله ..
نواف انحرج وابتسم وهوا منزل راسه : اسف مادريت انكم هنا ..
طلع بسرعه وصوورة الملاك الي يعشقهـآ بجنون عالقه بذهــنـه ..
مشـى بيطلع لفوق .. وباله مو معاه .. سرحااان بعيد ..........
صقع بجسم صغير وسمع صرخه طفوليه متألمه ..
نواف استغرب ونزل لمستوى الولد الي طاح ع الدرج : معليه مانتبهت فيك ..
سعود ماسك ذراعه بألم : طييييب ..
نواف : يألمك ؟!
سعود هز راسه ببراءه ..
نواف ابتسم ورفع كم التي شيرت حق سعود وتحسس مكان الألم : هناا ؟
سعود تعور : ااااااااااااااااااي ..
جود قلبها طاح : هذا صوت سعود ؟؟
طلعت تجري لبرى وشافته قاعد ع عتبة الدرج وجنبه نواف : سعود حبيبي شفيييك ؟
سعود يوقف ويركض لعندها : طحت وتعوورت ..
جود نزلت لمستواه : وين تعورت ؟
سعود ماسك ذراعه : مرررره يعوورني ..
جود باست خده : خلاص حبيبي لا تبكي تعال احط لك ثلج عليها ..
قرب لعندهم وهو مستغرب وبنفس الوقت خايف ع الصغير المسكين : لا تحطين ثلج مابينفعه ( طالع في سعود بحنيه ) تعال معي ..
سعود هز راسه باعتراض : انت عورتني ماني رايح معاك ..
نواف نزل لمستواه وصار هوا وجود قبال بعض مباشره وبينهم سعود : انا اسف ماشفتك تعال معي شوف ايدك شلون صايره زرقا ..
جود بقلق : طيب وش صارله ؟
نواف تنهد وهو يتأملها ويلاحظ خوفها وارتباكها >> اااهـ ياناس وش اسوي بعمري .. اذوب انا ان شفتها << ..
جود ابتسمت في نفسها على نظراته المتلهفه والمتأمله فيها : نوواف ؟
نواف انتبه وابتسملها : عيوون نواف ..
جود انحرجت >> موو قدام سعوود ياربي ماتعرفه هذا سووسه << ..
سعود مبسوط عليهم .. رجع شويه على ورى وخلاهم مقابلين بعض وهوا يتفرج عليهم يضحك ..
نواف بهمس : فديت الخجلان ياناس ..
جود بنفس الهمس : مو قدامه ذا البلشه ..
نواف بلع ريقه : اشتقتلك ..
جود حمر وجهها وماقدرت ترد عليه .. وقفت بسرعه تتدارك الموقف .. وهوا وقف معاها بنفس الوقت ..
نواف ابتسم والتفت لسعود شافه يضحك : هههههه الحين راح الألم الي فيك هااااه ؟
سعود قطب جبينه ورجع يمسك ذرااعه ويتألم بتصنع : لا لسسه يعوور أأأأأه ..
جود : هههههههه ياحبي لك ..
نواف التف لها بخبث : انا ؟!
جود رفعت حاجبها : لا طبعااا ..
نواف يقلدها : وليه لااااااا طبعا ؟؟
جود بجراءه قربت عنده وهمستله : لاني ماأحبك ..
نواف فز قلبه بقربها ..
جود وهي تمسك ايد سعود وداخله لجوه عند البنات التفتت عليه وكان لسه يناظرها بشوق .. حركت شفايفها بصوت خاافت : اموووت فيــك ..
دخلت تركض لجوهـ وتركت نواف في حاله يرثى لها ..
سريعه دقات قلبــــه .. وتنفسه اسرررع .. ابتسم بأمل : الله لا يحرمني منها ولا من حبهـآآآآآ ..
شال نفسه وطلع لغرفته وافكارهـ كلها متعلقــه فيها هيا وبـــس ..
.
.