ياكثر مالاحساس تظلم بلاحساس
وياكثر ماضاع الحكي والحقيقه
كسر الخواطر ماله حدود وقياس
على جبين الخلق يلمع بريقه
كلن بقلبه هم وجروح ووناس
وكلن عيونه بالمدامع غريقه
هذا من الفرقى عليلا ومحتاس
وهذا من الهجران ضيع طريقه
لاباس يافاقد محبين لاباس
ولاباس يالمجروح عقب الرفيقه
يالي تجر الصوت مع كل هوجاس
غيرك هواجيسه تجي بالدقيقه
ابحر مع الاحزان من ياس في ياس
وغفي ثواني وانطوي في حريقه
الوقت متعب والهواءيوجع الراس
والشوق مذنب والمواجع عميقه
والصمت يذبح لاطغى كنتم الانفاس
والبعد يقرب والسفر مايعيقه
لاصرت عالم في بحر ماله اقواس
تجهلك عالم حسها ماتطيقه
اليل موحش والفرح ماله ارماس
والوقت عاصي والصبر من يطيقه
لاتجرح المجروح ياعذب اللاماس
صبرك على المشتاق لحظه دقيقه
اخذ الكلام اللي اقوله من الراس
كلام من قلبن جروحه رقيقه
من طاع هرج الناس ضيعته الناس
كم ضاع من هرج الخلايق خليقه
بينك وبيني لايجي كبت الاحساس
اطلق مشاعرنا تقول الحقيقه