ياوجودي .. وجّد / رعّاش الخفوق
يوم لاحـت فـالفيـاض بروقهـا
وجّد / عذراء .. مالها راي وحقوق
زوّجوهـا مـن يسيّـل موقـهـا
لبّسوها .. شرعة(ن) من دون طوق
واحرموهـا مـن سكـن معلوقهـا
كن وقت الليل ماهـو بـالسبـوق
هايم(ن) طولـه لهيـب حروقهـا
لابدى كـنّ / البنيّـه .. ماتـروق
غير لافاضت بحـور / طروقهـا
والصباح .. الله وكيله / بـالشروق
أشغـل العالـم بطـبّ عذوقـهـا
وياوجودي .. للقوافـي والطـروق
وجّدي اْلـ/ روحي بـلا معشوقهـا
يوم قال انه علـى اللقيـا شفـوق
قلت لـه والنفـس / فيهـا عوقهـا
وش يقـول اللـي يـدوّر للفتـوق
والعواذل .. من يسـدّ حلوقهـا ؟؟
وراح / روحة من تعذّر .. لايفوق
حدّتـه بقعـاء .. يـزور شقوقهـا
كن هرج النـاس بغيابـه حـروق
تلهب اْبـ/ روحي وتذوي عروقهـا
وش نفعني .. يوم راعيت الفـروق
مالقـت نفسـي بــلاه حقوقـهـا
ليتني يـوم قـال انـه / صـدوق
ماتركت النـاس ترخـي شدوقهـا
كان ماصارت لي الدمعه / سـروق
والقصايـد .. حكّمـت منطوقـهـا