كيف القدر يقدر يشيلك عن العين
ويخفيك وانت اللي بهالقلب سااااكن
كان القدر طبعه يفرّق محبين
مالوم انا الاعيان لوهن تباكن
يا "قره العين " ماتدرين بعده علي شين؟
لوني عقب فرقاه طافي وداكن
يا "قره العين" وينه وين ؟ وانا بعد وين
شوفي خدودي من دموعي تشاكن
اسلى مع السالين واسمع امغنين
وانهار لا غنى" محمد" لــماكن
شوفي جروحي جرحها جرح سكين
والهم في قلبي من الضيم ماكن
عقبه غدت كل القصايد عناوين
وكل القصايد بالمشاعر تحاكن
قولي تراني انطره لو بعد حين
ويبقى الحبيب اللي بهالقلب سااااكن