الآ يازين لا تبحث خفايه
ترى بحث الخفا يجرح كنيني
أنا قلبي طفل حيران تايه
وقلبك لايحن ولايليني
تعلمت السباحه والرمايه
وأنا أول من عرفت الصيد فيني
كفايه يابعد عمري كفايه
دخيلك في حنانك تحتويني
تعبت من البدايه والنهايه
كما اللي صار بين القريتيني
ليا مني بغيت أطوي رشايه
أقول أظن مرسالك يجيني
ثلاث اسنين وأنا في عنايه
سوات السّم وسط الياقطيني
أكابد وحشتي وأجحد ضمايه
وأخفّي عبرتي وأكتم ونيني
ماغير الصمت يشفي من عدايه
مابيهم يفرحون بدمع عيني
بعد مات الأمل داخل حشايه
كفايه يادهر وش في يديني
سوى جرحي وسكيني معايه
ولا تدري يساري عن يميني