عزاه يا قلبن شقى الهم يكويه
احرق معاليقه و قطع عروقه
لاهب سعير الهم قيد خطاويه
بانت رسوم الهم بانت فتوقه
يالله يا عالم عن الغير تكفيه
تعبت من طرد السراب و لا اذوقه
وين الامل يا وقت ضاعت خطاويه
ليه الليالي و قفت ما تسوقه
حملت همي للجبال المناويه
عجز قوي الصخر بانت شقوقه
شكيت همي لنفود و فيافيه
جاها القحط ما عاد تلمع بروقه
ابطء الفرج يا عين ظنك تشوفيه؟
نور الصباح الي يفرح شروقه
طالت سنين الحزن و الوقت يبكيه
و ذكراك يالماضي كواني بشوقه
ضاع الرفيق و لا احدن صار يبغيه
و العمر قفى و الليالي تبوقه
خلوه يحفر قبر جسمه باياديه
و يكفنه غايت مزاجه و ذوقه
و يدفن عليه الريح ساري ذواريه
و ينبت زهور العشب يا وقت فوقه
غير التعاسه و الكدر و ش لقى فيه
ناسينه العالم و تبكيه نوقه
و من مر قبره قالوا الله يجازيه
بالخير شاعر يطربني طروقه
و سلامتكم