[عاشق الأحساس]

ونّو العشاق لكن ونّةٍ عن ونّه
والـلـه ياهذيك لو حاولت ما اطيق الها


ودّي اني مثل من تجي معه لكنّه
بس من حبه يمثّل عمّنا مثّلها


ماتسوّي به سواتك بي وتخلف ظنّه
صورتينٍ ماتشابه جالس اتخيّلها


ليت من بالجنه ادعي له يروح الجنّه
وانت لا واذا زعلت ادعي ولا يقبلها


شيٍ الى قبل عام ونصف كنت آكنّه
واثر موت الناس مما تكتمه داخلها


خلهم يدرون وانت ان مادريت ادر انّه
لو يموتون المحبين انت تتحملها


عد زمان الوصل حتى لو علىّ تمنّه
مايهم امثالك يمنّون ويحق لها


يشهد انك حلو من يشناك غصبٍ عنّه
ماهو اللي صورتك خيال ويغازلها


والذي يشكي محبتهم ومتعبتنّه
ودي الادوار لاجل يحس نتبادلها


آه وان قلت آه تفرق ونّةٍ عن ونّه
ماتقاس بقصرها وإلا بمن طوّلها