[عاشق الأحساس]

الصدّه اللي مايفسّرها سبب ياقوّها
لو يا اهلها انتو في مكاني وش يصير 0 تخيّلو


بعض الظنون اخاف لا الغالي يجي من توّها
لكن ولو 0 مابان منكم مايهوّنها 0 ولو


والله ماعاش الهموم اللي دخلت بجوّها
إلا مقاتيل التمادي في هواهم والغلو


وانتو ولا كن المحبه قد كواكم ضوّها
ياهيه يا اهل المستوى العالي شوي تنازلو


ياقالبين اوضاعي اسفلها وصار علوّها
وعلوّها اسفلها 0 على الاقلّ لو بس اسألو


كُنا اذا قلنا محبتنا نقول سموّها
واليوم هذ الاسم لو قلناه مايطلع حلو


ياكثر سكان المدينه بس احس خلوّها
ان ما مليتوها حضور غيابكم عنها خلو


ولعلمكم كم قال لي بعض العواذل سوّها
لكنكم في مهجتي وانا الذي قال انزلو


والله يمهل ياقلوبٍ فاقدات حنوّها
يعني سواكم لو سليتو علّ ابوهم ماسلو