لا عاد تذكرني ولاني بذاكرك
واللي تبيه يصير..لاتزعل يصير
خذ مابقى لك مابقى قلب يعذرك
ولاتحسب إنك بالهوى تقدر تطير
محدن على درب الغلا كان جابرك
وحدك مشيت وجيت من دون تبرير
قل لي وش اللي في غرامي مصبرك؟؟
لاصرت متضايق وتحتاج تغيير
أخفيت ماضيك على شان حاضرك
حاولت تغييري تبي دنيتك غير
وانت الذي من جملة الناس خابرك
على مزاجك ودك العالم يسير
العالم الله كيف قلبي يقدرك
بس انت ماقدرتني خير تقدير
مدري وش اللي عن خفوقي مكبرك
يوم إن قلبي مابدر منه تقصير
غدرتني وبكره يجي شخص يغدرك
ويخيلك شي(ن) توده ولا يصير
وتصير تذكرني وأنا مابي أذكرك
وتنقص جنحانك ولا تقدر تطير