الناس ماهي الناس ولا الزمن هو
ماشي تغير بالزمن غيـر ناسـه
الليل اهو الليل والضو ذا الضـو
صح الحراره قد لفـاه احتباسـه
حتى جميع الي تغير مـن الجـو
من سبة الانسان حسب الدراسـه
صارت ضماير سو في عالم السو
حتى بدا واقـع حيـاة التعاسـه
والي مثيلي راسه يعانـق النـو
ياكيف يحنـي للمخاليـق راسـه
يعني لو انك دنيتي قلت انـا لـو
في درها وياقوت زينـه وماسـه
ابيعها لو قلت لي مرغم(ن) سـو
شي(ن) احسه فرض ماهو سياسه
المشكله انـا معـك تونـي تـو
مير البلا احيان عنـدي فراسـه
احس بالطلقه قبـل قولتـه طـو
واستنفر بذاتي جميـع الحراسـه
يعني حذاري ترتكب غلطتـك او
يطري فبالك شامخ يحـط راسـه