صار السهر ديرتي والهـم عنوانـي
الياس بينـي وبينـك صـك بيبانـه
انا سجيـن المحبـه وانـت سجانـي
في غيبتك يقهر المحـروم حرمانـه
احتل طيشـك جباروتـي وسلطانـي
طوعتني فـي غرامـك دل وميانـه
عيشتنـي بيـن خلـق الله وحدانـي
عزلتني عن مـدى كونـي وسكانـه
ناديتني للضيـاع وطعـت شيطانـي
دعيتني للجمـال وجيـت لاوطانـه
علمتني كيف احب وكيـف تهوانـي
رتبتني للطريـق وصـرت عنوانـه
اقنعتي بأنك اغلا واجمـل اوطانـي
سافرتبي للبحـر واغرقـت ربانـه
حطيتني قدم حـد سيـوف عدوانـي
زرعتنـي للمصيـر احيـا علشأنـه
شجعتني للوفـاء والغيـت حرمانـي
سلمتني قلب واطيب قلـب وانسانـه
قربتني من دفـاك وعشـت بردانـي
ابعدتني عن جفاك وذقـت هجرانـه
وريتنـي ماتظـم اشكـال والوانـي
دخلتنـي معبـدك واطفيـت نيرابـه
جلستني فوق عرش الملك واغرانـي
اسقيتني من كفوف يديـن عطشانـه
ياسـيـدي لاتولعـنـي وتنسـانـي
الحـب مايرحـم العشـاق سلطانـه
صبري وصبرك نفد من دون برهاني
اسهم هوانـا مـع الايـام خسرانـه
حبك سكن داخلي واحتـل وجدانـي
تقديـرك امـوت مايختـل ميزانـه