ترى قدرك على حد السما يابنت لـو تدريـن
ولا يمكن احد يقدر يطوله لـو نـوى صوبـه
تراك الطهر والشيمه وروعة هل زمان الشين
ولا يمكن ابد نرضـى عليـك الهينـه نوبـه
نعيش الوقت في ناره يقلبنـا علـى الجنبيـن
اسهومه في جدار الصمت والاحـلام مسلوبـه
تباريح الزمن جارت وشبت في الحشا ناريـن
سمات الحزن في عيونٍ من الايـام مرعوبـه
جروح العام تشقينـا وحطـت همنـا هميـن
ألا يالله ياوالـي يغيـب الحـزن ودروبــه
أحد يسعى ورى رزقه ولا يدري يجيه منيـن
وهاذاك ابلا تعب جابه تحقـق كـل مطلوبـه
نبي هاذي معا هاذي طمعنـا نجمـع الثنتيـن
أماني لاكن المكتـوب لـزومٍ يلبسـك ثوبـه
من صروف الدهر شلنا ولا ندري نروح الوين
مرابعنا نعيـش بهـا علينـا بسعـر مجلوبـه
وكلي في الرموش اللي شكت حر الدموع سنين
عسى الله يلطف بدمعه على الخدين مسكوبـه
وذيبٍ زاد به جوعه شكى مر العنـا والبيـن
يجر اعواه فـي ليلـه بقايـا العـز منهوبـه
تعالي ونشدي قلبٍ من طعونه غـدى قسميـن
مقادير الزمن نـارٍ بوسـط القلـب مشبوبـه
أشبهها مقادير الزمـن لعبـه علـى الحبليـن
تعل الخافق بنـاره حطبهـا تـو مـا جوبـه
واشوف الوقت به خله رسم وجه لنا وجهيـن
نوايا الخلق به شانت كثير النـاس ضاعوبـه
ألا يالله ياوالـي تعدلهـا مــن الصوبـيـن
تعبت وشحة الحيله وشـوف الحـق يادوبـه
ما غيرك نلتجي صوبه ولحدن غيرك النا معين
رجاك العبد ياوالـي الخلايـق تغفـر ذنوبـه
بفضلك يسعد الخافق وشوف الناس مستريـن
بقربك يهتني عبـدك يحصـل كـل ماجوبـه
إلهي انت مقصودي طلبتـك ترحـم المشفيـن
مفاتيح الفرج بيدك مغيـرك نلتجـي صوبـه