فك لي شباك وصلـك واكتشفنـي
*****داخلي طفلن يبـي تحريـر قيـده
حرره ياروح روحـي وإكتنفنـي
*****وأبشر بكل الـذي منـي تريـده
أرتشفك من الغلا وانت إرتشفني
*****لين صمت الحب ينطق ما نريـده
باول المشوار حبك لـك عسفنـي
*****صايرن بالقلب يالغالـي رصيـده
إيه قلبي في غيابك مـا عرفنـي
*****فاقدن من زود حبـك لـه فقيـده
ضاق صدري في غيابك والتحفني
*****همي اللي كل لحظه بـي تزيـده
صرت ورد بحقل همي وإقتطفنـي
*****بالسهر والدمع وأشباح القصيـده
كل دربـن للقهـر يمـه حذفنـي
*****والسواد بدنيتـي رحلـه بعيـده
وإن بغيت أسلا مع العالم رجفنـي
*****لين سبب لي مـع العالـم نقيـده
تايهن من غير شوفك وانت شفني
*****منحني مكسـور وأيامـي عنيـده
آتصبر مير صبري مـا نصفنـي
*****عاقبة صبري ترى ما هي حميده
عِيّد قلبي للحيـاه وصـك جفنـي
*****خل نبض الحب يسري في وريده
بادل المهموم وصلـك وإكتنفنـي
*****وابشر بكل الـذي منـي تريـده
صح السانك على الرائعه
يسلموووووو
سجل ذروة اعجابي فيها
بجد رائعه
تحيتي