اسعد الله ليلة الميعاد والملح وزمانه
يامسى الياقوت لاحمر على جيدك وغنا
والهبوب اللي نثر قذلة وميل خيزرانه
ويش عذر الخيزران من الهبوب اليا تثنا
كل ماتلعبه النسمات يشفع له ليانه
التهى شاعرك فيك بشوف خدك ماتهنا
احسب انه برق لوح لي ضياه وعنفوانه
لين شفت الخد منا والمح البراق منا
جادل لاحرك المعلوق بمزوح وميانه
كم تبادلنا العبث بعنادنا كم ضاع منا
قلت لك لاتفتح البيبان يصرخ سنديانه
قلت لك والليل طرف وآخر الزوار حنا
ان فهقت الشال والمجدول مايستر مكانه
خلني اروي ضما عاشق وجاه اللي تمنا
لاتسمي طيحة العقد وخلاخيلك خيانه
الخيانه لانزعنا اخلاقنا والصدق عنا
ماتركتك تزبن الخفاق الا انك امانه
وانت خابر نشرب الموت ونزبن من زبنا
ارحل وحقك علي اجيك يامرهف ثمانه
اما انا حقي عليك انشد هل التاريخ عنا
مر حيين الذمم واحتك باطهرهم ديانه
يخبرك كيف العذارى من فعايلنا عشقنا
ياولد عم الحرير الحر واخضر طيلسانه
ياعناقيد ثمرها ميل الغصن وتدنا
كنك التاج المرصع وارتكازة صولجانه
ليه ادور لك شبيه بشامنا والا يمنا
.
.
.
.
.