افااا ياجرح لاتبكي ترى كل الجروح تطيب
تـرى كل الـبشر يخطون ونـتحمل خطـاياهم
بكينا واندفن فينا حزن اصدق من التكذيب
بكينا بـكل ما فِـينا وِفَينا والـعـذر مـنـهـم
لقينا ناس فيهم قلب وناس فنونها التعذيب
ولـكـن مانقول: الاه و لا نــتعب مـسامعهم
و سافرنا فراق الهم لقينا الهـم فـينا عيب
وواصـلـنا مـسـيـرتـنا .. و كـل قـلوبنا معهم
نخبي اجـمـل الاهات و لا نرتب لها تـرتيب
وتاخذنا سنين الـعـمر ونـتـحـمل خطاياهم
كذا يا جرح هالدنيا سهولتها من التصعيب
حلاوتها في قساوتها ولكن عيب نعـلمهم
تانـبـنا ضمـايرنا ولا نـلقى سوى الـتانيب !
مصيري او مصير اللي بيخطي لو يجاملهم
صحيح قلوبنا تعبت ولكن اجمل التعذيب
عذاب اغلى البشر لاصرت تتعذب لراحتهم