تدرى وش اللى يذبح القلب لاغبت
انك تروح وباقين منك ذكرى
وتدرى وش اقسى جرح انا منة ماطبت
جرح الخفوق اللى عجز منك يبرا
واكبر خطاى انى علشانك اذنبت
مديت لك كفى والايام غدرا
بس البلا فينى من الوقت ماتبت
بيض النوايا والسواليف عذرا
شابت محاصيل العطاء بس ماشبت
وقفت اصد السيل والقاع مجرا
لاشملت ذكراك بالضيقة اجنبت
جرحن نساه الوقت والليل مسرا
لاياردئ الحظ خايب ولا صبت
منك التعاسة عمر والحال قشرا
ماتت فيافى العشق معاد به نبت
كانت رياض الحب بالوصل خضرا
صار اللقاء مثل الثلاثاء مع السبت
مانلتقى ووجيه الايام غبرا