;;;;;;;;;;;;;;;;;;;;;;;;;;;;;;;;;;;;;;;;;;;;;;;;;
حالتهـآأ متدهورهـ كثيـــر .. ونفسيتهـا في الحضيض ..
مو سهـل أبدآ إنك تفقد طعـم الدنيآ تفقد ألوآآن الحيآه.. تفقد اشكآل الأشيااء ومعانيها ..
تفقد لذة كل شي حلو بالعآلم .. تعيش بظلمـه .. لحـالك ومع نفسـك ..
لو مين ماكـان حولك بتضل وحيد ومايحيطك الا الظلآم والخوف ..
وحدهـ وكوآبيس تلااحقك حتى وانت في عز استيقآظك ..
صعب تصحى بيوم وماتقدر تشوف نور الشمس ..!!
صعب تتكلم وتحكي وإنت ماتقدر تميـز شكل الي تحاكيه ..!!
صعب تحس الأشيـآء بدون ماتلمحها أو تعرف ألوآآنهـآ وأشكـاالها ..!!
صعب تكون الحيآه خـآليه من كل شي .... فرآآآآغ وبـس ....!!
هـذي هي حيـآة نجود من اليـووم ..
إنصدمت من واقعهـآ المرير قبل كم يوم .. صرخت وبكـت .. ماإستوعبت .. كذبت الكل ..
بس لا مفـــر هذي حقيقتهـآ ..
ناجت ربها الي نسته طول هالسنين .. صحى ضميرها الي كان ميت طول الفتره الي راحت ..
بدأ إحساسها بالذنب والخوف يقطعهـآ ..
عرفت ان الله حــق ..
والي سوتــه في نفسها وفي اهلها .. رجع لهـآ ..
نـآجت ربها بخضووع .. صلـــت لأول مره في حيـآتهـآ .. كانت مستحيه تسأل أمهـآ عن التشهد وإيش ينقال فيه ...؟!!
ضيـآع كبير .. ظلمت نفسها وقصرت في دينها وفي حق ربهـآ ..
ولمن حلت المصيبه .. تذكرت خالقهـآ .. إلي مردها الأول والأخير لهـ ..
الرآزق القـآدر على كل شيء .. كآتب الأقدار بيدهـ حيـآة الناس جميعـآ ..
كيف نست إنه ممكن تنخطف روحهـآ وهي على رذيله ..
كيف غاب عن بالهـآ سكرات الموت وعذآب القبر بعد هالحيـآه الي ماعملت فيها شي تواجه ربها فيه ..
كيف بتقابل رب العباد وخالق البريــه بيوم يسـآآلها عن الي سوته في دنيتهـآ ..؟!
صفحات ايامها سوداااء .. حياتها المااضيه كلها ضياع وذنوب وكبآئر ..
بكـــت بحرقـه وهي تتخيل نفسها تموت بهاللحظـه وهي ماعملت شي ينجيها من عذاابه سبحـآنه ..!!
أم نوره بخوف : وش فيك يمـه ؟!
نجود بصوت مهزوز وريق ناشف : وش فيني يعني .. ؟؟
ام نوره تنهد : الله يقومك بالسلامه يايمـه
نجود ودمعاتها تتساقط بغزاره : لا تقولين كذا يمه انا ماني قايمه ابي اموت مابي اعيش كذااا مابي ..
ام نوره : حبيبتي لا تقولين كذا بسم الله عليك بتتشافين وبتسوين العمليه وترجعين مثل اول واحسن صدقيني ..
نجود بصوت عالي ومرتجف : مابي عمليه مابي شي ابي امووت ..
ام نوره بقلة حيله : لا حول ولا قوة الا بالله ..
فتحت باب الغرفه وبإيدهـآ صينيـه والابتسامه الحزينـه مرسومه على وجههـآ ..
نوره : السلام عليكم ..
ام نوره + ندى : وعليكم السلام
نوره حطت الصينيه ع الطاوله وشالت نقابها : كيفكم ؟
ندى : بخير ..
نوره سلمت على امها واخواتها وجلست ع الكنبه الي قبال نجود : كيفك نجود ؟
نجود ملتزمـه الصمت وتطالع قدامها في اللا شيــــئ ..!!
نوره بحزن على حالها : حبيبتي خلاص لا تسوين في نفسك كذا .. راشد كلمني البارح وقال انـه حجز على المـانيا بعد يومين وبروح معـااك وكلم احسن الدكاتره هناك وبترجعين مثل قبل ..
نجود بانفعال : ومين قالك اني بروح ؟
نوره بترجي : يانجود اسمعيني انتي لازم تسوين العمليه الحين ولا بتتضاعف حالتك ..
نجود بضعف : مايهمني خلاص ..
نوره تنهدت وقالت بحده : انا راح ارتبلك اغراضك وبنروح ..
لفت على امها بهدوء : يمـه أم راشد تسلم عليك حيل وخواته بعد
ام نوره ابتسمت : الله يسلمهم .. رجعـوآ جده ولا للحين هنا ؟
ام نوره : رجعـوا مابقى الا رآشد يقول بيمرنـاا بكرا ..
ام نوره : والله ماقصروا معنا هالناس الله يحفظهم لبعض .. عيال اصول عرفناهم وقت الحاجـه .. الله يوفقك يابنيتي معه هالرجال الطيب ويخليكم لبعض ولا يفرقكم ..
نوره بخجل واضح : اميـن ..
ندى ضحكت بخفه على شكلها ..
نوره : وش يضحكك ؟
ندى : ههههههه ابد
أمـآ نجود .. تجمعت الدموع بعيونها ليه ماتقدر تشوفهم وتضحك معهم ؟ ليه ماتقدر تشوف تعابير وجههــم ..؟!
حست بخجل نورهـ من قبل لا تضحك ندى .. تحس بلي حولهـآ وبلي قاعد يصير بس ماتقدر تشاركهم شي او تتفاعل معهم باي طريقه..
فقدت اغلى ماعندها واغلى نعمه ممكن تملكهـآ والي عمرها ماحمدت الله عليهـآ .. دحين بس عرفت قيمتهـآ ..!!
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;
في احد البيوت الكبيرهـ والمترفـــه ..
السـااعهـ 7:00 الصبـآح ..
نزلت تجري من الدرج والكتب بإيدها قلبها يدق بكل قوه له ..
خايفه ومتلخبطه .. تأخرت بالنووم .. بيفوتها الاختبـآر ..
لبست عبايتها باستعجال وسحبت الطرحه وخرجت من البيت تجري بدون لا تبل ريقها بكاسة مويه على الاقل ..
ركبت السياره وقالت للسواق يروح للمدرسه بكل سرعتــه ..
دخلت لقاعة الامتحان وهي الوحيده الي متأخره عن الفصــل كله .. أكلت كم تهزيئه من المديره والمراقبات
قعدت بمكانها وصدرها يطلع وينزل .. مسكت القلم وبدأت تحـل بإرتباك ..
عدت الساعتيـن ببطآ .. وهي قدها خلصت من ورقة الامتحان بدري .. سهرانه طول الايام الي فاتت وراسها في الكتااب ..
أخيــراا طلعت من القاعه وعدت اول ايام الامتحانات على خيــرر ..
ركبت سيارتها وهي في طريقهـآ للبيت رن جوآآلهـآ بنغمــه غريبـه ...!!
ردت مستغربه ع الرقم الغريب الي ظهرلها ع الشاشه : الوو ..؟!
الطرف الثاني : السلام عليكم ..
غلآ : وعليكم السلام ..
الطرف الثاني بهدوء : شلونك غلا ؟
غلا مستغربه اول مره تسمع هالصوت ولا قد مر عليها : نعم منوو ؟
الطرف الثاني ابتسم : ماعرفتيني ؟
غلا : لا منو ؟
الطرف الثاني بابتسامه اوسع وهمس خافت : خطيبـــك ..
دق قلبها بسرعه نشف ريقها فجأهـ .. ياربي هذا محمد ؟! وش يبي داق الحين ؟! ومن وين جاب رقمي ؟!
ياحلوو صوته فديته بس وش هالاحراج ياربييييه ..
ردت بهدوء عكس دقات قلبها المزعجه : محمد ؟!
محمد : ياعيونـــه
غلا حست بحرارتها ترتفع .. ابتسمت برقه وقالت بدلع طبيعي وبرائه : تسلم عيونك .... ماتوقعتك تدق ؟!
محمد تنهــد ..
**في نفســه **
آآهـ منك ياقلبي من شفتك وانا ناسي النوم .. عيوني سهرانه ترسمـك .. وقلبي بدقاتــه تناديك ..
ملكتي كل شي فيني بايام قليله .. صورتك .. صوتك .. دلعك .. رقتك .. حتى نظرات عيونك الي جننتني ..
ربي يقدرني واسعدك ياأحلى من عرفه قلبي ..!!
غلا استغربت سكوته الي طول : وينك ؟
محمد صحى من افكااره وتأمله في صورتها الي ماراحت عن باله من يوم ماشافها : معـك ..
غلا ابتسمت : قلتلك ماتوقعتك تدق علي ..
محمد ابتسم : يعني ضايقك اتصالي ؟
غلا بتردد : لا ابد .. بس استغربت شوي
محمد : لا تستغربين ياقلبي .. بشريني وش سويتي في اختبارك اليوم ؟
غلا بطبيعتها فرفووشه وفي نفس الوقت خجووله وحنونــه : مرره سويت حلوو .. امممم حتى تخيل من اول ربع ساعه وانا مخلصه ..
نست نفسها وهي تكلمه .. متعوده تحكي بعفويه وبدون قيود .. وهذا الي اعجب محمد فيها زياده ..
محمد : ههههههه ليش مستعجله .. اهم شي حليتي زين ؟؟
غلا : ايه الحمد الله ..
محمد : يلا بالتوفيق ..
غلا : آمين وياك يارب
محمد بابتسامه رايقه : وينك الحين رجعتي البيت ؟
غلا بنعومه : لا بالطريق ..
محمد بتردد : طيب قلبي ..... اقدر اشوفك الحين ؟
غلا بصدمه : تشووفني ؟!
محمد : ايه اذا ماعنـ..ـدك مانع طبعا ..
غلا : ليش فيه شي لا سمح الله ؟
محمد : لا ياحياتي يعني مايصير اشوف زوجتي الا اذا فيه شي ..؟1
غلا ابتسمت برقه وقالت بدلع : مابعد صرت زوجتك ؟
محمد ذاب في نبرة صوتها الي تعجبه مووت : بالنهايه انتي لي ياقلبي ..
غلا >> وهـ ياقلبي هههههه ياناس عليه فديته << ابتسمت : اذا املكنـآ ماعندي مشكله ..
محمد : يعني ؟!
غلا بارتباك : اسفه محمد ماقدر ...
محمد >> ياحلو اسمي من شفايفك ياقلبي << ابتسم بخبث : من عيوني دقايق وانا عندكـــم ..
غلا بققت عيونها ماتوقعت انه يكون جااد .. وهي الحين بلبس المدرسه ويبيلها على بال ماتوصل للبيت ربع ساعه ولازم تتكشخ وتتضبط ماراح يمديها ووقت امتحانات وحوسه : محمممد ؟!!!
محمد : عيوونـــــه ..
غلا : اا ... ا.. وش رايك تخليها يوم ثاني ..
محمد باحباط : ليه ؟
غلا بتردد : الحين تعبانه شوي ولازم اصحى بدري اذاكر لبكره ومايمديني ..
محمد >> يالله وش هالغبااء الي فيني ايام اختبارات وانا ابي اشوفها لا حوول << : براحتك (( ابتسم وهو يقولها لاول مره في حياته )) حبيبتي وشدي حيلك وركزي زيييين ..
غلا ودقات قلبها ع الطااير وايدها تلعب في طرف العبايه من الارتباك : ان شاء الله
محمد : يلا قلبي اتركك الحين واسمع صوتك على خير
غلا بابتسامه ودودهـ : على خير
محمد : في امان الله
غلا : الله معـآك ..
قفلت منــه وهي طايره للسمـآء .. اول مره في حياتها تحس بهالسعاده الي هي فيها الحين ..
;;;;;;;;;;;;;;;;;;;;;;;;;;;;;;;;;;;;;;;;;;;;;;;;
طلعت من غرفتها بالبيجاامـــه وكشتهااا حايسه وتتـثااوب ..
نزلت من الدرج بخطوات مترنحــه .. شافت امها على طاولة الأكــل والفطور جـآآهـــز ..
جود وهي تسحب كرسي وتجلس : صباح الخير
ام جود : صباح النور ..
جود بدأت تآكل قدها ميته جووع : وين سوسو ؟!
ام جود ابتسمت بحنان .. تعودوا على بعض كثير هالايام القليله الي راحت .. صارت تعزهـ مثل اخوها وتبديه على نفسها في كثير اشياااء : لسه ماقام لهالحين ..
جود : يؤؤ وليش ماقومتيه يمه من غدا امس مارضى ياكل ..؟!
ام جود تشرب الشاهي : والله مارضى يقوم معي .. اطلعيله انتي ..
جود تركت العيش من يدها وقامت للمغسله : اوكي الحين طالعه ..
غسلت ايدها وطلعت تجري لفوق .. دقت الباب عليه بس ماجالهاا رد .. دخلت عليه بهدووء ..
فتحت اللمبات وقربت للسرير : سوسو سعوود ..
سعود بتعب يتقلب ع السرير ..
جود بحنان مسحت على شعره : سوسو يادب قوم كل هذا نوم ؟!
سعود بهمس خافت : ابغه انام ..
جود : ههههه ( رفعت اللحاف عنه ) قوم مافيه نووم تحرك يلا الفطور جااهز ..
فتح عيونه بكسل وبنظرات مشوشه يناظرها : مابغه افطر ..
جود تخصرت : وهو بكيفك حبيبي قووم ترى بكب عليك موويــه زي ماسويت امس ..
سعود رفع نفسه عن السرير بخفه وببرائه : لاااا الله يخليكي ..
جود : هههههه زين قوم بالطيب احسن لك ..
تثاوب ونزل من السرير وهو يتوجه للحمام ببطأ وخطوات متعرجه وكأنه دايخ ..
جود لحقته وباسته على خده بقووه : فديت هالطمااطمه ياناس .. ههههه يلا انتظرك تحت لو مانزلت ياويلك
سعود ابتسم بلطافه : حاضر ..
ابتسمتله وطلعت من الغرفه وحبها لهالطفل بدأ يكبر .. حست انها تعلقت فيه جد .. غير من روتين حياتها واضاف المرح والضحك للبيت ..
رجعت لغرفتها وغيرت ملابسهـآ .. بس افتكرت شي بمجرد انو جات عينها ع الجوآآل ..
تعكر مزااجها وحست بالخوف يرجعلها مره ثانيه .. طول هالايام تناست وجوده بهالدنيا وتناست الي ممكن يعمله فيها ..
من آخر رساله ارسلها لها مارجع دق .. ولا ارسل شي .. وهي مطنشته ع الاخير ولا فكرت تسال عن شي او تتسائل ايش ورى هالسكوت المفاجئ .. هو هددها في آخر مسج له .. وعدت الايام ولا دق عليها او فكر فيهااا ..
حست بالقلق يسكن ارجآئهـآ أكيد بيسويلها شي هي متاكده مليون بالميه انه ماراح يتركها بحالها لو ايش ماصار ..
نبههـآ صوت سعود من ورى الباب : جود ..
ابتسمت وغيرت من ملامح وجههـآ العابس وفتحت الباب : هلا ..
سعود : ماما تبغاكي ..
جود هزت راسها : اوكي ثواني وناازله
سعود ابتسم ونزل لتحت يركض ..