ورب الناس والعصر والم نشرح لك صدرك
بأني من كثر شوقي بديت احس بالتقصير
ياوجة الله شف احساسي الى هالحد يعتبرك
طهر هالما ونور الشمس وسجعات الحمام عصير
تعال ارجوك واحضني وعيشني دفا جمرك
وخل شفاك ترويني يااعذب من قراح البير
ابي لاهبت النسمه يغطي ناظري شعرك
ابسهى مع حريرك لين احس انك بديت تغير
ابي تحمر وجناتك وتفقد يالغلا صبرك
وتهمس لي خلاص ارجوك احس انك بديت تطير
واقلك من صميم القلب انا باقي على خبرك
اطير بعالمك لكن ضلوعك هي ملاذ الطير
حبيبي يابعد حيي تغيب ودايم انتظرك
لان الروح في حبك ابد ماتقبل التغيير
تخيل لو تغيب اسنين وربي مانقص قدرك
لان بكل بساطه انت اساس الحب والتقدير
تعال البارحه شمعي طفيته وابتدا ذكرك
يمر الشمعدان وحث شمعاته على التنوير
يقول الحب مايفنى وانا غايب ابختبرك
ابعرف لو اغيب سنين وين تروح ويش يصير
نطق قلبي وقال اسمع جعل قبري قبل قبرك
يااول من معه فكري يحس بلذة التفكير
حبيبي آه لو تدري اموت بسرك وجهرك
واموت من الوله وارجع اعيشك واذكرك بالخير
انا سلمتك ايامي على كيفك حسب فكرك
تصرف واعتبرني جرح وانته فني التخدير