مابين ليل(ن) فيه ذكراك دارت
ومابين شوقي لك وصدق الغلاوه
شفتك بروق(ن) في سمايه انارت
وشوف نفسي ارض ماتت قساوه
من الضما روحي للقياك صارت
ترفع كفوف وتبتدي بالتلاوه
تدعي وترجي يوم الايام جارت
يارب لاتكتب علينا الجفاوه
العشق مستوطن والاقدار طارت
بحلامنا وامالنا والشقاوه
رحنا وجينا يوم الاقدام سارت
الله يامحسن دروب النقاوه
الله واكبر يوم باليد اشارت
وقالت قسم بالله كلك صفاوه
انا همومي في حضورك توارت
وانا حياتي معك عز وزهاوه
قلت اسمعي ترى الاحاسيس ثارت
والحب له معنى وقدر وسماوه
قبل اعشقك روحي تراها استخارت
ومن بعدها شريت حبك شراوه
يابنت انا مشاعري فيك حارت
مجنون حبك وادعي بالهداوه
انتي وبس اللي ليا من زارت
طيوفها فكري تزيد الحفاوه
استقبلك بالطيب وافتح ستارة
قلب بدوي عشقك عشق البداوه
قلب(ن)وفي لو كان الايام اغارت
على غيومه معك وامست جهاوه
قلب(ن) عهوده معك مايوم بارت
تجرين بعروقه وكلك نداوه
ياغاليه تكفين هاتي بشارة
وصل الغرام اللي يسلي سلاوه
ترى حياتي دون شوفتك صارت
ترفع كفوف وتبتدي بالتلاوه