يلي تقول الحب سهمه رماني
اعرف ترى للحب بنيان من ساس
ماهيب كلمه بين قاصي وداني
ولاهي حكايه تنقرى فوق قرطاس
الحب كلمه تجمع اعذب معاني
فيها وفاء واخلاص مع صادق احساس
وفيها الامل للقلب له شكل ثاني
الي يعرفه ماعرف درب للياس
حرفين فيها شع نور الاماني
وازهر ورود الشوق من غير مقياس
وفاضة رياض القلب بين المحاني
حبٍ تنومس به ولك يرفع الراس
على النقاء مرساه بين المواني
ماخالطه هرجاً ومرجاً ولا دناس
وعالي مقامه ما نزل للطماني
مثل البحريصعب على كل غطاس