[جنون شاعر]

بسم الله الرحمن الرحيم


هذه ابيات بمناسبة رجوع اغلا اغلا اصدقائي

والذي عز الله انه يساوي الدنيا

واعتذر أشد المعذره للقصور
لأني اعرف والله لو اكتب مدّ البحر ما اوفيه شي



أقول



العيد هذا العيد بالفرح عيدين ** عيد الفـَطـَـر ورْجوع أغلا الحبايب
من غاب عن عيني له اليوم عهدين ** واليوم كالعهدين والوقت عايب
غاب ـوْ غيابه له علامه بخدّين ** من حرّقه دمـعه على اِفــْراق غايب
غيـْبتــْه كانت مثل سيف ٍ بحدّين ** يذبحنيَ الأول وتاليه سايب
سايب لأن اِبـْها الأمل وسط ـلـَيـْدين ** ويـْعـَرْف ذا الدنيا ملتـْها العجايب
ياللي وَصـَل ذا اليوم في ذمتك دين ** أنــّك تزيل اجروح قلبي العطايب
وابـْغى السداد الحين لاِتــْقول بعدين ** وابـْشر بـَعـَدْها اِرْفعـْك فوق السحايب
وآزيد ودّ الأمسّ ذا اليوم ودّين ** ولك أسهــّل صعب صعب الصعايب
وآحـَلـّي الـْمرّ الذي دون تعدين ** ولك أخلــّي الفرح في اليدّ ذايب
وآدخــّلك بحر ٍ به المدّ مدّين ** مدّ ٍ عسل والسَّمن ثاني ونايب
وياصاحبي من شفتك العيد عيدين ** لنــّك رفيق الروح واغلا الحبايب


وسلامتكم




قلمي/ جنون شاعر