من قصيده ((( اغـــــــلــــــــــى الـــــد مــــــــــــــــوع )))
من كلماتي المتواضعه 000 حبيت اشارك معكم فيها 0000
اتمنى ان تترتقي للمستوى اذواقكم 00 وتنال استحسانكم ورضاكم 0000
اقول
[على كثر الدموع الي تحول من عيون الناس
احدصادق واحد كاذب واحد دمعه على كيفه
لقيت اغـلـى الدموع الي لها بين العباير ساس
دموع ام على فرقا ولدها حسها ضيقه
بكت من لوعه التوديع عين مالها حباس
يحبس الدمع جفن (ن) ماشكى فرقا مواليفه
لك الله وانتي اغـلـى من مشى فوق التراب وداس
دموعك عندي اقسى من زمان مرهف (ن) سيفه
الا يابعد من شم الهوى عوذي من الوسواس
ولدك ان يسر الله عانق العز ومشاريفه
مدام انك سقيتيني من حليب مطوعين الباس
ورى ما اركض مع السرحان واهورف مهاريفه
يشوف العزوالتقدير رجال (ن) صليب الراس
جنيه من ذهب له صكة(ن) تغلى مصاريفه
ويشوف الذل والحقران رجال(ن) بليد احساس
رمادة جمرة من نار اول ساسها ليفه
نموت من التعب لاكن في طرد السبب لاباس
ثقيل الحمل اعده مع ثقيل الهم تخفيفه
صحيح ان الغريب عروق قلبه من هله يباس
يسليه القمر واليا ســلا عجل (ن) مناكيفه
يغيب الليل ونجوم السماء ما غيب الهوجاس
ويبين الصبح لا علم (ن) لفاه ولا حصل شيفه
غريب حده لتركه دياره وقته المنحاس
عصيت مير الزمان الشين ما تعصى صواديفه
تبي الايام صملات 00 ومناعير 00 وسيف 0 وطاس
حياة عزاز والا موت (ن) تشرف مواقيفه
وسلااااااااااامتكم