يا فرحةً ما كملت لـو دقيقـه
ضاعت امانينا باآخـر ثوانـي
فرحه ماتت في مهدها غريقـه
كانت تكفي للفـرح والامانـي
والله وصلنا صدق بآخر دقيقـه
وصرنا نجهز للفرح والاغانـي
شوطين وانفاس المشجع حريقه
لاجل الوطن كلن يعد الثوانـي
وكلن يشجع بالمـدرج فريقـه
يا موطني بالقلب حبك غشانـي
ويالمنتخب بالقلب حبك حقيقـه
وغير الوطن بالقلب ماله مكاني
طع شوري
ياصاحبي وين الخلل ؟! بالطريقـه
وإلاّ بلعـب افـلانِ وإلاّ فـلانـي!
وإلاّ الذي ما غيـر يبلـع بريقـه!
متهالـكٍ كلّـه ذبـول وهـوانـي!
ثقيل نوم .. ! المستوى ‘ من يفيقه!
ما كن به روح الـولاء والتفانـي!
غاب الذي بالعـون يلمـع بريقـه
وين انت عنها ؟ .. يا سِهيل اليماني
تستاهل البحريـن دولـه شقيقـه
منّـي لهـا بالـود كـل التهانـي
لها علينـا فضـلِ يمنـى طليقـه
فيما مضى ‘ للمنتخب من زمانـي
راعي العليا
ــــــــــــــــــــــــــــــــــــــــــــــــــ ــــــــ هلااااا وغلااااا في هالحضور المميز ـــــــــــــــــــــــــــــــــــــــــــ
صباح الود والتقدير //// صباح ازهار وسميه
يا هلا بوافي التعبير //// يا هلا بصافي النيه
رد القصيده بلا تأخير //// يا حي رده ويا حيه
وان كان يسأل عن التقرير ////المنتخب حالته سيه
واجب (بسيرو) على التسفير ////على الخطوط السعوديه
صح السانك يا راعي العليا ولاهنت وسلمت ودمت على الرد السريع والجميل ,,,, ولا يستغرب من شاعر كبير