خلاص ارحل مابقى شي يبغاك
يعني اختصار الهرج خلاص مابيك.
خلك على صدك وأنا بصدي أجفاك
وباكر تعرف اشلون تجحد محبيك.
ياما صبرت أسهر على أمال لقياك
وأنت ولا همك مواصل تغليك.
صحيح أحبك بس ياسهل فرقاك
لاصرت مقفي كيف تبغاني أجيك.
وخل اللذي غيرك وعن حبي أغواك
لامن جرحك الوقت يسهر يواسيك.
وبتجيبك الأيام وبترد دنياك
وبعلمك وشلون فعلك بماضيك.
بعز نفسي عنك ومثلك وشرواك
وذل نفسك واجرحك ثم أبكيك.
وأن كان وقتك أمس غرك وأنساك
شخص عطاك القلب والروح بيديك.
وأنك جرحت ورحت وأقفيت بدواك
وانه عطاك احسان حبه وباغيك.
وأن كنت ناسي أو ان كان يخفاك
من يرفعك بالحب يقدريوطيك.
والاتدري أببتعد عنك وأنساك
برفع أنا نفسي عن قولت أوريك.
مثلك وأشكالك تكفيه مبغاك
يعني اختصار القول خلاص مابيك.