تذكري .. دايم على الدوم دايم
ان فيه مخلوق ٍ بلهفه يحبك
وتذكري .. انه به الشوق لايم
لايم ولومه ضاع في وسط دربك
وانه غدى بيرك به الشوك عايم
ولا لقا اللي ينقْي الماء لشربك
وتذكري .. إنه خذته الظلايم
وهو يدوّر بس .. وقفه في جنبك
وإنه في بعدك غادي فرحه عدايم
وان به جروح اعلاجها بس طبك
وتذكري هو كيف قد كان نايم
ومن بعد شوفك فز وهيّم في سربك
وانه قضى عمره عن العشق صايم
ثم ٍ ياروحه أنتي اللي فطربك
الباء ويّا الدال والراء .. تمايم
احروف اسمه احفريها في قلبك
لانه ابد مافيه عاشق وهايم
في حب خله مثل عشقه لقربك
تذكري دايم نعم إيييييه دايم
اني هنوفي .. حيييييييييل والله احبك