ياغايب عني ترى للبطا لوم
لاشافتكـ عيني ولا جبت طاري
بسأل كـثير الصبر يمكـن تجي يوم
تلفي تنشد وانت بالحال داري
لكـ هاجس الذكـرى سرق عني النوم
ماودعه فكـري ولا عنه ساري
يسكـن خيالي عشق ما يرتحل دوم
موقد براد الروح من شوق ناري
وقفة خطاوي ملها درب محروم
متى أشوفكـ والفرح له مواري
قضت سنين العمر بالود مهموم
واحمل خفوقي سر وأحكـي وأداري
باصلكـ كـلي من كـسر بالجفا زوم
واعلن عليكـ الشوق بالحب أماري
واسعد معاكـ ولا بقا للعتب لوم
وان شافتكـ عيني فلا جبت طاري