يعني اليوم بقعد هنا مرابطه خفاره <<< احرس بيتي لايطير
::
يقولون زور ابن الزرزور ذبح بقه وترس سبعه جدور
السالفه اني باروح اخطب لاخوي ماتعرفون بنات مزايين خخخخخخخخخخ
تري اخوي كيكه لايطوفكم هع
لا لا امزح
::
الســـآآــآآلفهً .. تــآلفهً .
مره من الامرار في احدي ليالي الصيف << اظن والا الشتاء هقوتي
المووهم انه ليل وعطله و ظايق خلقي< ابي اعرس مثل مرام
واسمع خواتي بالمطبخ لهن قربعه وريحه
حمس وزيت يحترق قلت باروح اتسيمج عليهم
واخذ بتاري منهم مايساعدوني يخلن مواعينهم وانا اغسلها ليش.. .
وانا الي اخم عبايه اميً اللماعيه شاريتها لها اختي من الرياض <
واتختل = يعني طراطيف صوابعيً ,, بشويش عالدرج
واروح اركض من باب المقلط للحوش الثاني واطالعهم من الدريشه وانحـآش ..
وهم لمحوا السواد وقامن لهن صياااح وكان صدام موايق عليهم هع
واركض وراهم خفت ابوي يسمعهم ويلعن جدي واصيح تعالن انا اتسيمج يبنات
ومن دخل تفل في وجهي ذاك الليل كان اتعس اياميً
<< كني سارقه البنك الفرنسي وشمعني
وصرت عاقله وتادبت وحلفت ماتسيمج الا كتابي ..
< تنبيه::
شفرت بعض الحكي والتفاصيل خاشتها للحلقه الجايه بمدد لرمضان الجاي < تسيمج