يانور عيني هوى بالـي وسلطانـه
لايوجع القلب حـد العيـن وسيوفـك
سبحـان ربٍ عظيـمٍ ياكبـر شانـه
عظيمة الوصف جل محدد اوصوفك
يابنت شعري زهابك وابدع الحانـه
ايجر صوته غلى في ملعب حروفـك
ياطيفك اللي عليـه العيـن شفقانـه
ولامن نظرتك حقيقه عافت طيوفـك
اذا عليك المشاعـر جـات زعلانـه
زهبت عذرك قبل تطربني حلوفـك
ياعينك اللي تجيب المـوت خدرانـه
مالوم عين ٍ تدقـق فيـك وتحوفـك
عروق قلبي ثلاث عـروق ظميانـه
مايرتوي العرق الاول غير في شوفك
والعرق الاخر تغشى سيـل وديانـه
لاصرت جنبي ولامس كفي كفوفـك
واخر عروق الظمى البحـر والدانـه
اعوم بحرك واجيب الدان من جوفـك
مثل الخضار اللـذي تسقيـه ودانـه
هذا غرامك فديت عروق سر جوفـك
كذا غرامك بنـى فالجـوف بستانـه
لاتهدم اللي بنيته من سبـب خوفـك