[نور الدنيـــا]

..................

وفي القصــر الكبيــر ..

دخل عليها بخطواته الهادئه والثقيلهـ ..
ألقى السلام عليها بكل برود وجلس قبـآلهـآ ع الكنبه العووديـه بأذرعتهــاا الذهبيه : شلونك ؟
ام محمد حطت رجل على الثانيه وقالت بهدوء : بخير اخبارك انت وكيف الشركه ..؟
ابو محمد : والله مااشي الحــااال ..
ام محمد بقلة صبر : خير ياابو محمد قلقتني وش فيه ؟
ابو محمد : ههههه مافيه شي يقلق تطمني ..
ام محمد ارتااحت جززئيــاا : اجل وش فيك ؟
ابو محمد اخذ نفس : السالفه ومافيها ياعزيزتي انه عيالنا كبروا .. ولاهم صغار ولا خايفين عليهم..
كل وااحد فيهــم طول بعرض ماشاء الله ويعتمد عليه وقد المسؤووليه ..
ام محمد بتأييد : صح كلامك يابو محمد بس وش تقصد ؟
ابو محمد طالع في عيونها وابتسم وقال بدون مقدمــااات : انا ابي اخطب لولدي محمد ..
ام محمد انبسطت : ايه هذي الساعه المبااركه هاااو مابغينا ..
ابو محمد : هههههه ياحبكم يالحريم لهالسواالف ..
ام محمد حطت فنجان القهوه وقالت باهتمام والفرح مبين بعيونها : هو حكالك شي قالك منو يبي جابلك سيره ؟
ابو محمد رجع ظهره لورى وجمدت ملامحه : ومين قالك بسمع هو وش يبي .. العروسه موجوده وانا ابي افرح بعيالي قبل لا امووت ..هذا هو فيصل ماشاء الله عليه وبيتزوج ومن بعدهـ بندر وعيالنا مدلعينهم ومعاملينهم كأنهم بزراان ..
ام محمد ماتقدر تعارضه ولا تقول شي بس قالت بتسااؤل : ومنو سعيدة الحظ الي بتاخذ ولدي ..؟
ابو محمد قال بثقه : بنت اختي ..
ام محمد بتعجب : يه وش فيك بو محمد غرام لفيصل ولا ناااسي ؟
ابو محمد : ماني ناسي يابنت الحلال انا ابي له غلاا ..
ام محمد باستنكار : لا لا وش غلااا
ابو محمد : وش فيها بعد يازينها بنت ولا كل البنات ..
ام محمد : ايه ادري ماشاء الله وش حلاتهااا .. بس ماتحس انها صغيره على محمد ..
ابو محمد : لا لا.. لا صغيره ولا شي
ام محمد : وش معنى غلا بالذ1ااات .. وش فيها ساره ولا هديل ..
ابو محمد بتافف : ام محمد لا تكثرين حكي .. ساره لنواف من طلعت ع الدنيا وانتي تدرين ..وانا ابي اضمن بنت اختي لولدي ماتدرين الدنيا وش يصير فيهـــااا ..
ام محمد هزت راسها بقلة حيله : الي تشووفه ..
ابو محمد : اجل اكلم اخووي بكرا ونتفااهم
ام محمد : يه وليه مستعجل هالكثر ؟
ابو محمد : لا مستعجل ولا شي هذا شي المفروض يصير من زمان ..
ام محمد : اييه بس انتظر شوي ع الأاقل تتم ملكة فيصل وبعدها يصير خير ..
ابو محمد باصرار : لا بكلمه بكرا
ام محمد بتردد : زين مو المفروض تقول للولد اول يعني عشان لا يزعل ويحس اننا منقصين من قيمته
ابو محمد وهو يوقف : ولا يزعل ولا شي وماعندي استعداد اسمع نقاش بهالمووضوع .. واذا حابه تخبرينه انتي بكيفك بس الي ببالي بيصير برضااه ولا بغيره ..
ام محمد سكتت وهي متضاايقه من تسلطه الرهيــب من يوومهـ كذا ماشافت معااهـ يوم حنيــه ولا إهتمــاام يسوي الي في راسه وبــس ..

....................

دق جــوآآلهــاا بنغمــه عـآديهـ حقـت نووكيـآ المعرووفــهـ ..
مسحت دموعهــاا المنساابه على خدها بكثـرهـ .. ومدت ايدها بثقل للشنطه وسحبت جواالهــاا ..
تنهدت لمن شاافت الرقــم .. مره مو وقتهـ ولا لهــاا نفس تكلم أحــد ولا تسمع صووت أحــد ..
بس ضروري تطمنــه عليهــاا .. وليه مـآدآومت اليــووم ..
ردت بدون نفس : الوو
الطرف الثاني : السلام عليكم ..
نوف حاولت تصلح صوتها المرتجف : وعليكم السلام .. هلا دكتور احمد ..
احمد ابتسم مو راضيه تبطل الرسمياات الي بينهم وحـآطه حـآجر كبير بينهــااا وبيــنه : هلا نوف شلونك ؟
نوف : بخير ... شلونك انت ؟
احمد : تمــااام ..
نوف بتردد : اسفـ..ـه دكتور اليوم ماجيــت الصبـح .. بس أنــ....ـآ أ.....
احمد تكلم لمن حس بترددهــا وارتجاف صوتها : نوف وش فيك تعباانه ..؟
نوف اخذت نفس مسـمووع : ايه شوي ..
احمد بقلق : سلامتك ماتشوفين شر يالغلا
نوف ابتسمت غصب عنهــاا : الله يسسلمك .. و.....أبـ...ـي منــ......
احمد : وش فيك نوف تكلمي ..؟
نوف غمضت عيونها بهدوء ورجعت فتحتهم عشان تقدر تتكلم : أبي أخذ إجــآزهـ ..
احمد باستغرااب : عسى مااشر .. وش فيك ؟
نوف : مافيني شي بس شوي احس بصدااع وجسمي مكســر وابي إجـ..ـآزهـ كم يووم لين يهدى باالي
احمد ابتسم : سلامتك عسااه في عدويينك يارب .. خلاص انقبلت اجاازتك واذا حابه تزيدين المدهـ لو حسيتي انك تعباانه ماعندي مشكله ابد (( ابتسم بخبث )) كم نوفه عندي انا ..
نوف حست بخجل بس مره ماكان وقتهـ قالت بلطاافـه : يسسلمــوو ماتقصر ..
احمد : بس تصدقين ..
نوف : هلا ؟
احمد ابتسم بأمـل إنهــاا تعطيه وجـه لمره وحدهـ : بنشتااقلك ..
نوف ابتسمت بحيــآء ونزلت رااسها تلعب بطرف بلوزتهــاا : مين انتو ؟
احمد : اممم انا و (( قال بهمس )) قلبـ..ـي ..
نوف تنحت شويه وقلبهـآ يطربق ............
احمد حس بإحرااجهــاا : يلا ماتشوفين شر ان شاء الله وترجعين لنا ساالمه يارب
نوف بهدوء : مشكور
احمد : يلا انتبهي لنفسك مع السلامه
نوف : مع السلامه ..
سكرت منــه وابتسمت طيف ابتساامه .. وسرعــاان ماإختفت وتحولت مشاعرها لأسى وحــززن ..
رجعــت لدمووعهــاا وللقهـر الي مـآلي قلبهــاا ..

أمـــااا برى غرفتهــااا الضيقـه الكئيبـهـ .. إلي ماتحتوي الا على سريرين وكوميدينه ودولاب بـ باب واحد والثاني مفقوود ..
وقطعـة المـرايا المعلقه ع الجدار وتحتهــااا شبـه تسريحــه فيهـآ أغرااضهــاا الخـآصهـ ..
نورهـ أخذت جوالها ولبست عبايتهاا وطلعـت من البيــت بعد ماتركت ندى في حاله يرثى لهــااا .. مضربه عن الأكل والشــرب والنووم وكل شيء حتى الكــلااام .. صح ماتربطهم بأختهم علاقه قويه ودايما بعيده عنهـم ..
بس مهما كان من لحمهم ودمهم .. اختهم الصغيره .. ايش ماسوت وكيف ماكانت .. دمهـم واحد والرابط بينهم قـــووي

" والظفر عمره مايطلع من اللحم "

طلعت برى البــيت ... ودقت على جارتها ام علي ..
وطلعــوا سوى مع ولدهـآ الكبير علي للمستشفى ..
في السيـآره ..
ام علي : لا حول ولا قوة الا بالله والله ماتستاهل امك الي يصير فيهــاا ..
وفي قلبهــاا .. تكره نجوود والي كانت تسويه في اهلهــااا .. واتاكدت ان هذا عقاب الإلـه لها بلي كانت تسويه في امهــاا وسمعتهــااا الي بالحضــيض وكلام الجيـرآآن عنهــاا وهي ولا همهــااا ..
وسبحــآنه " يمهل ولا يهمــل " ..
نوره بهدوء مالها خلق : الله يصبرنا على هالمصيبه
ام علي : امين ..

.....................
في جدهـ ..
السـآعــه 4:00 العصـــرر ..
الجــوو حـآر والرطووبــهـ تكتــم ..

في غرفتهــااا الكبيـرهـ بدآآخـل البيــت الفخــم ..
متمددهـ ع السرير .. تحس بغثيـآن ..
ونفسهاا مسدوده عن الأكل وعن كل شي ..
حست إنهـــااا لازم تروح للدكــتتور ..
ألم بطنهـا كل يوم يزيــد .. والإنتفااخ الي بتلاحظه .. ادخلوا الشك والقلق لـ قلبهــااا ..
يمكـن تكون مصـآبهـ بمرض خطيــرر ..
ابعدت هالفكره المخيفه عن رااسهــاا .. ودقت على صاحبتهــاا بسرعه ..
فدوهـ : الوو هلا رنووده كيفك
رندا تتثاوب : هــ...ـآآآي ..
فدوه : صح النوم ههههه
رندا : ههههه صباح الخير
فدوه : مساء النوور
رندا : هههههه اخبارك ؟
فدوه تنهدت : من ازفت مايكوون
رندا : ليه ايش فيكي ؟
فدوه : مادري يارندا ماادري تعباانه كل شي في جسمي يألمني وبطني كل مالها توجعني اكثر والغثياان بيزيد ..
رندا بقلق : وليه ماتروحي للدكتور ؟
فدوه : انا داقه عليكي عشان كدا ..؟
رندا صلحت جلستها ع السرير : تبغيني اجي اوصلك ..؟
فدوه بتردد : انا بس مابغه اهلي يعرفـوو .. فـ يعنـ..ـي قلت لو تمريني على اساس انو بنطلع نتمشى ..
رندا : اهااا
فدوهـ : واذا طلعت مع السواق المتخلف دا مايسكت عن كلمه ..
رندا هزت راسها بتفهم : طيب ياقلبي حأكلم ماما وع السااعه 7 اكون عندك كويس ..؟
فدوه : بس مو كأنو متأخر اخاف ماما ماترضالي ..
رندا : اممم بس ع بال مااخدلي شاور واكلي لقمتين واجيكي وانا مصحصحه ..
فدوه : تيب اوكي
رندا : يلا قلبي الف سلامه عليكي يارب
فدوه : الله يسلمك ..
رندا : يلا باي
فدوه : باي ..
تنهدت وهي خاايفهـ والقلق ملى قلبهـاا وتفكيرهــاا ..
مو عارفه ايش ممكـن يكون الي فيهــااا ..
وايش السبب ورى كل هالألم الي تحس فيه والانتفااخ الملحووظ في بطنهــااا
حست انها بترتجف من جوه .. مو عارفه ليه كل هذا الخوف الي اكتسحها فجأه ..
بس احساسها مـآيبشـــر بخيــر ...