وعليكم السلام ورحمة الله وبركاته
اخوي اول شي ما ادري ليه خليت هالقضيه حكر على البنات بس
لان فيه شباب نفس الشي يكون بوجه في المنتدى وغيره الله اعلم
ثانيا
يعني احسه شي طبيعي
مو كلنا كاملين وكل واحد له اخطائه
و مو شرط ان الواحد غلط معناه انه انقطعت علاقته مع ربه او ما منه خير
واعتقد راح نتعب اذا بنقعد نحكم على شخصيات الناس واحنا اصلا ما نعرفهم
يعني ما يصلح نحكم عليهم من وراء كلام ينكتب او من ورا شاشه
حتى لو اخذنا عنهم صوره معينه المفروض ما تتعدى هالصوره شي ثاني
يعني لما اشوف هالعضو كله في القسم الديني ونصايح وغيره وبعد كم يوم اشوفه في قسم المسجات او راد على مسجات رومنسيه اقول يالله وين الدين مثلا
اعتقد هذي مشكلتي مو مشكلته هو
قبل لا ندور في اغلاط غيرنا وعيوبهم المفروض نشوف نفسنا اكيد احيانا نغلط ونشوف عيوبهم وانعلق بس المفروض ما تكبر السالفه الى شي ثاني اني اقعد اعلق او اتهم
واعتقد ان كل واحد لما يدخل منتدى مستحيل راح يستمر في شخصيه معينه هو خطط لها او حبوها الاعضاء
لانه راح يجي يوم ويبين شي من شخصيته الحقيقيه اصلا راح يتعب
وياريت قبل لا نستدل بنصوص شريعه بالقران او السنه نفهم معناها قبل لا ناخذها على حسب اهوائنا او لانها جات على حسب مصالحنا او مزاجنا
الله يعطيك العافيه
وكل عام وانت بخير