ياأغلى البشر ياأغلى العرب والحبايب
إي والله إنـك غالـيٍ ويـن ماكنـت
أغليك وعروقي من أجلـك عطايـب
دخلـت قلبـي وإمتلكـت وتمكنـت
أشـم ريحـك مـع نسيـم الهبايـب
وأشوف زولك شوف لـو ماتبينـت
ياالله عساني ماأنتهـي منـك خايـب
" دام أنت في عوج الحنايا تحصنـت"
عذب وقلبـي منـك ماهـوب تايـب
أبعد وسو اللي على البـال لاهنـت
قلبـي حلالـك ولافيهـا غـرايـب
مالك شريكٍ فيه لو كـان مااعلنـت
تجرح / تعذب / ماتهـم المصايـب
محدن ملكني فـي حياتـي الا أنـت